ყოფილი პრემიერ-მინისტრი, პარტია ,,ქართული ოცნების” თავმჯდომარე, ირაკლი ღარიბაშვილი ჟურნალისტებთან კომენტარს აკეთებს მამის საქმიანობასთან დაკავშირებით:
,,ჩემს ოჯახს აქვს აბსოლუტურად ლეგალური შემოსავლები, აბსოლუტურად ლეგალური, კანონიერი ბიზნესსაქმიანობა. ამის თაობაზე თუ დაინტერესდებით მე მზად ვარ, რომ მთელი ინფორმაცია მოგაწოდოთ.
თუ ნამდვილად ხართ დაინტერესებული, საიდან აქვს მამაჩემს, რომელსაც მოიხსენიებთ პენსიონერად – მამაჩემი შეიძლება პენსიონერია, მაგრამ მას ოფიციალურ საკუთრებაში აქვს მრავალმილიონიანი ბიზნესსაქმიანობა და ქონება, რომელიც მან შექმნა… მოკლედ, სხვადასხვა საშუალებით. თუ თქვენ ნამდვილად ხართ დაინტერესებული, მე მზად ვარ, ეს ინფორმაცია არ არის დამალული, ეს არის საჯარო ინფორმაცია, რომ ნებისმიერ დაინტერესებულ პირს გავუზიარო ეს ინფორმაცია.
ამიტომ ტყუილის გავრცელებას თავი დაანებეთ’’, – განაცხადა ირაკლი ღარიბაშვილმა.
ავტორი
მარიამ ხაჩირაშვილი
