ტვ ,,პირველის” ეთერში ინგა გრიგოლიას საავტორო გადაცემაში ,,რეაქცია” პარტია ,,საქართველოსთვის” თავმჯდომარე, გიორგი გახარია განცხადებას, თუ ვისთან შეიძლება შეკრას კოალიცია, საჭირო მომენტის დადგომის დროს:
-
ინგა გრიგოლია: პირდაპირ უნდა გითხრათ, მაინც ეჭვია, რომ თქვენ ბიძინა ივანიშვილს შეგულებული ჰყავხართ, როგორც ერთგვარი სათადარიგო გეგმა. თუ ,,ქართული ოცნება” უმრავლესობას ვერ აიღებს – არის პარტია, არის ლიდერი გახარიას სახით, რომელიც შეუკრავს მას უმრავლესობას. მიპასუხეთ პურდაპირ – თუ ,,ოცნება” არჩევნებს ვეღარ იგებს, დადგება ასეთი მოცემულობა, რომ არის შანსი კოალიცია გააკეთოთ სხვა ოპოზიციურ პარტიებთან და გაუშვათ ხელისუფლებიდან ,,ქართული ოცნება”. საით დადგებით თქვენ – ივანიშვილს შეუკრავთ კოალიციას თუ ოპოზიციას?!
– გიორგი გახარია: მე რატომ მისვამთ ამ შეკითხვას? თვლით, რომ ერთადერთი ოპოზიციური პარტია, რომელიც ,,ნაცების” და ,,ოცნების” გარდა პარლამენტში მოხვდება, ჩვენ ვართ?
-
ინგა გრიგოლია: შეიძლება მეც მაქვს ეჭვი, რომ თქვენ შეიძლება მართლა ბიძინას კაცი იყოთ, ამიტომ არ ვუსვამ ამ კითხვას სხვას და გისვამთ თქვენ.
– გიორგი გახარია: ეჭვმიტანილი ვარ?
-
ინგა გრიგოლია: დიახ, ეჭვმიტანილი ხართ ბიძინა ივანიშვილთან ამ ტიპის გარიგებაში.
– გიორგი გახარია: გაითვალისწინეთ ერთი რამ – მე ვარ ყველაზე არაკომფორტული, კოალიციის კონტექსტში კი არა, პარტნიორი ერთისთვისაც და მეორესთვისაც. მე ეს ძალიან კარგად ვიცი.
-
ინგა გრიგოლია: არაკომფორტული კობახიძისთვის და ღარიბაშვილებისთვის შეიძლება, მაგრამ ივანიშვილისთვის ხართ?
– გიორგი გახარია: თქვენ როგორ ფიქრობთ, კობახიძის ან ღარიბაშვილის კომფორტზე ვფიქრობ საერთოდ?! ერთიც ფეხებზე მკიდია და მეორის კომფორტი ხო, საერთოდ არ მაინტერესებს.
ამ კონტექსტში მარტივი გამოსავალი იქნება. ყველას აქვს ერთადერთი კითხვა, ყველა ცდილობს, რომ ჩვენ როგორმე გვათქმევინოს…
ჩვენი პარტნიორი და ვისაც კოალიციას შევუკრავთ, ეს იქნება ქართველი ხალხი!”, – განაცხადა გიორგი გახარიამ.
ავტორი
ნინი ხიჯაკაძე
