ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია YouTube-ის საკუთარ პლატფორმაზე, გადაცემა ,,გახარიას კვირაში” პოლიტიკურ შეფასებას აკეთებს ,,ევრონესტის” საპარლამენტო ანსამბლეაზე ჩავარდნილ რეოლუციასთან დაკავშირებით:
,,ნაციონალურ მოძრაობას” და ,,ქართულ ოცნებას”უბრალოდ ქვეყნის მომავალი აქვთ ტყვეობაში აყვანილი. ისინი, ფაქტობრივად, მანიპულირებენ ერთმანეთით, რაღაც ილუზიას ქმნიან, რომ ქვეყნისთვის ზრუნავენ.
უამრავი რეზოლუცია ყოფილა, რომლისთვისაც ,,ნაციონალურ მოძრაობას” მხარი არ დაუჭერია.
,,ქართული ოცნება”, როდესაც ამას აპიარებს და ბრალს დებს, ეს სიახლე საერთოდ არ უნდა ყოფილიყო. უბრალოდ, მთელი პრობლემა არის იმაში, რომ იმ რეზოლუციის ინიცირება მომხდარიყო, საჭირო იყო სულ 10 ხმა.
,,ქართულმა ოცნებამ” ევროპარლამენტარებში რომ ვერ იპოვა ქვეყნის მეგობარი, ქვეყნებიდან 10 პარლამენტარი, რომელიც მხარს დაუჭერდა, რეზოლუცია დაინიცირდებოდა და მას კენჭი ეყრებოდა, ეს არის მათი უსუსურობის მაჩვენებელი.
თითქოს, ახლა ,,ნაცებმა” ამას მხარი რომ არ დაუჭირეს, რაღაც სიურპრიზი იყო და ვიღაცას გაუკვირდებოდა. მე არ გამკვირვებია. უამრავი რეზოლუციაა, რომლებისთვისაც ,,ნაცებს” ადრეც არ ჰქონდა მხარი დაჭერილი, მაგრამ საქართველოს დელეგაცია ყოველთვის ახერხებდა მსგავსი რეზოლუციები ,,ნაცების” მხარდაჭერის გარეშე მაინც დაეყენებინათ დღის წესრიგში, რომ კენჭისყრა მომხდარიყო.
დღეს ეს ვერ მოხდა. ეს რას ნიშნავს? ეს ნიშნავს ელემენტარულ რაღაცას – საქართველოს დელეგაცია არის იმდენად უსუსური, რომ 110 პარლამენტარში, მათ შორის, ჩვენ მეზობლებში, სტრატეგიულ პარტნიორებში, მხარდამჭერი ადამიანები ვერ ნახეს.
სამარცხვინოა ეს უბრალოდ! თუ სამარცხვინო არ არის, მაშინ არის ჩვეულებრივი მავნებლობა, რომელიც მიგვანიშნებს იმას, რომ ეს ყველაფერი იყო შიდა პოლიტიკური კონტექსტისთვის გაკეთებული. იმისთვის, რომ ერთმა მეორეს ეძახოს მოღალატე, მერე ამან ამას ეძახოს რადიკალი.
საბოლოო ჯამში, ჩვენთვის რა მნიშვნელობა აქვს. რევანშის სურვილით შეპყრობილი რადიკალური ,,ნაციონალური მოძრაობა” თუ მეორე მხრივ, უსუსური, არაფრის მაქნისი ,,ოცნება” ქვეყნისთვის საჭირო რეზოლუციებს ვერ გაიტანენ ევრონესტის პლატფორმაზე, ეს ნიშნავს იმას, რომ ერთიც და მეორეც წარსულში არიან დასატოვებლები”, – განაცხადა გიორგი გახარიამ.
ავტორი
ნინი ხიჯაკაძე
