,,ლეიბორისტული პარტიის” თავმჯდომარე, შალვა ნათელაშვილი ტვ ,,პირველის” ეთერში, ინგა გრიგოლიას საავტორო გადაცემა ,,რეაქციაში” პოლიტიკურ შეფასებას აკეთებს, თუ როგორ წარმოგიდგენია 2024 წლის საპარლამენტო არჩევნების შემდეგ კოალიციური მთავრობის ფორმირება:
,,ამ არათავმდაბლური განცხადებისათვის, კიდევ ერთხელ, მე მინდა, ბოდიში მოვიხადო – მხოლოდ ჩემი პრემიერ-მინისტრობით წარმომიდგენია კოალიციური მთავრობა, სადაც ყველა, სხვა ოპოზიციური პარტიის წარმომადგენლები, მინისტრის პოსტს დაიკავებენ. ვალდებულებას აიღებენ, რომ დემოკრატიული სოციალიზმი ქვეყანაში დამყარდეს, როგორც სისტემა და არა როგორც ერთჯერადი მოვალეობა, როცა პარტიები არჩევნების წინ და შემდეგ რაღაცა კოსმეტიკურ გადაწყვეტილებებს მიიღებენ, მერე მსხვილი კაპიტალის გამდიდრებას შეუდგებიან.
მე მოვუწოდებ ჩვენს ძვირფას ხალხს, მიუხედავად იმისა აქვთ სიმპატია თუ არა, ვუყვარვარ თუ არ ვუყვარვარ, ვეჯავრები თუ არ ვეჯავრები, მასობრივად ლეიბორისტულ პარტიაზე წამოვიდეს ხმები და ჩვენ გარანტიას გაძლევთ, რომ დემოკრატიული სოციალიზმის მთავრობას, კოალიციურს, მრავალპარტიულს შევქმნით, მაგრამ, რა თქმა უნდა მინუს ქოცები. ქოცები, იმ კოალიციურ მთავრობაში შეუძლებელია იყვნენ“, – განაცხადა შალვა ნათელაშვილმა.
ავტორი
ნინი ხიჯაკაძე
