„ივანიშვილის პარტიამ ცხოვრების გაუსაძლისი პირობები შექმნა, რაც აიძულებს ასიათასობით ქართველს ყოველწლიურად დატოვოს საკუთარი ოჯახი და მშობლიური სახლი“, – ასე აფასებს საქართველოს მოქალაქეების ემიგრაციაში გადინებას „სტრატეგია აღმაშენებლის“ პოლიტიკური საბჭოს წევრი ნანა ტოხვაძე.
მისი თქმით, ხელისუფლების დამსახურებით 800 000-მა მოქალაქემ უკვე დატოვა ქვეყანა და დღესაც, ყოველი მეოთხე, ემიგრაციაში წასვლაზე ფიქრობს:
„ივანიშვილის პარტიამ ცხოვრების გაუსაძლისი პირობები შექმნა, რაც აიძულებს ასიათასობით ქართველს ყოველწლიურად დატოვოს საკუთარი ოჯახი და მშობლიური სახლი.
გაძვირებული ცხოვრება, მაღალი ფასები, დაბალი შემოსავალი და უპერსპექტივობა ემიგრაციას შეუქცევად პროცესად აქცევს. ერთი უბედურებაა, რომ ხელისუფლების დამსახურებით 800 000-მა მოქალაქემ უკვე დატოვა ქვეყანა და დღესაც, ყოველი მეოთხე, ემიგრაციაში წასვლაზე ფიქრობს. შედეგად მივიღეთ გახლეჩილი ოჯახები, უდედმამოდ გაზრდილი ბავშვები, მათ ცრემლებსა და მონატრებაში გატარებული წლები.
ჩვენი ამოცანაა ოქტომბერში დავასრულოთ ეს უსამართლობა. სწრაფი რეფორმებით გავხდეთ ევროკავშირის წევრი ქვეყანა და შევქმნათ სახელმწიფო, სადაც ემიგრანტები დაუბრუნდებიან სამშობლოს და თითოეული მოქალაქე აქ იპოვის ღირსეული დასაქმების ადგილს. ამ შესაძლებლობებზე მუდმივი კომუნიკაცია გვაქვს ჩვენს ემიგრანტებთან და დღეს გიორგი ვაშაძე, “გამარჯვების კოალიციის” სხვა ლიდერებთან ერთად ბრიუსელში ჩვენს თანამემამულებთან კიდევ ერთხელ იმსჯელებენ ამ საკითხებზე“, – აცხადებს ნანა ტოხვაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
