არასამთავრობო ორგანიზაციებთან მიმართებაში პარლამენტის თავმჯდომარის, შალვა პაპუაშვილის კონკრეტულ განმარტებებს და მწვავე შეფასებებს სრულად იზიარებს და ეთანხმება “ხალხის ძალასთან” დაკავშირებული ექსპერტი, თამთა მეგრელიშვილი:
“არასამთავრობო ორგანიზაციები აყალიბებენ საზოგადოებრივ–პოლიტიკურ დღის წესრიგს ქვეყანაში და ისინი დასავლეთის მხრიდან ქართულ პოლიტიკაზე ზეგავლენის შუამავლად გამოდიან.
იცოდით რომ ქართული ენ–ჯე–ო–ების წლიური ბიუჯეტები საშუალო კომერციული კომპანიების ბრუნვებს უდრის?
მარტო სოროსის ფონდმა ოთხი წლის განმავლობაში ქართულ მესამე სექტორში 10 მლნ აშშ დოლარზე მეტი ჩადო. „National Endowment for Democracy“–მ, როგორც მისი ანგარიშებიდანვე არის ცნობილი, 2013 წელს 1.2. მლნ აშშ დოლარის გრანტები გაანაწილა ქართული არასამთავრობო ორგანიზაციების სამ ათეულ პროექტებს შორის. მათი მუშაობის ძირითად მიმართულებებად რაც იქცა ყველამ კარგად ვიცით.
არასამთავრობო სექტორს ქართულ რეალობაში პარტიული მიზნები აქვს მაშინ როცა მას შეუძლია შეასრულოს ისეთი ფუნქციები, როგორიცაა პრევენცია (გაფრთხილება მოსალოდნელი კონფლიქტის შესახებ); კომუნიკაციის ინიცირება (საკომუნიკაციო პლატფორმების ჩამოყალიბება); ნდობის აღდგენის ხელშეწყობა (ადამიანებს შორის კონტაქტების დამყარება); საზოგადოებრივი აზრის ფორმირება და სხვა.
განვითარებულ ქვეყნებში არასამთავრობო სექტორი უფრთხილდება საკუთარ საქმიან იმიჯს და არასოდეს გაბედავს გამოვიდეს საკუთარი საქმიანობის შინაარსიდან.
ქართულ რეალობაში კი ფულზე იყიდება საქმიანობის პრინციპებიცა და არასამთავრობო სექტორის შინაარსიც.
არ მიკვირს მათი დესტრუქციული მიზნები, მათი ყველა ქმედება ფულით ნაყიდია და კეთილ პროექტებს ამოფარებულნი ანტისახელმწიფოებრივი მიზნებით მოქმედებენ.
მეთანხმებით და ფიქრობთ რომ გამოსავალი საჭიროა?
გამოსავალი იქნებოდა “ხალხის ძალის” მიერ პოლიტიკურ ველზე შემოტანილი “გამჭვირვალობის შესახებ” მისაღები კანონპროექტი, რომელიც რუსულ კანონად შერაცხეს არადა, მერწმუნეთ, ის იქნებოდა ყველაზე ეროვნული კანონი“, – წერს ფეისბუქის პირად გვერდზე თამთა მეგრელიშვილი.
