პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას” თავმჯდომარე თინათინ ბოკუჩავა ჟურნალისტებთან კომენტარს აკეთებს, საქართველოს პრეზიდენტის სალომე ზურაბიშვილის სასახლეში მიმავალი ანსამბლის შესახებ, რომელიც კონკრეტულ მიზეზთა გამო უკან დაბრუნდა, ისე რომ კონცერტი არ ჩაატარა:
,,ისინი ებრძოდნენ და დღესაც ებრძვიან პოლიტიკურ ოპონენტებს, ნებისმიერ ადამიანს, ვისაც გააჩნია განსხვავებული აზრი. ახლა ერთ-ერთი მათი სამიზნე, ბოლო პერიოდიდან განსაკუთრებით, ასევე გახდა საქართველოს პრეზიდენტი სალომე ზურაბიშვილი.
უმჯობესი იქნებოდა კონცენტრირებულიყო იმ პრობლემების მოგვარებაზე, რომელიც ხალხს აწუხებს, იმის ნაცვლად, რომ თითოეულ დეტალში ყოველთვის ებრძოლოს განსხვავებულ აზრს’’, – განაცხადა თინათინ ბოკუჩავამ
ინფორმაციისთვის: ანსამბლ ,,ფესვებს’’, რომელიც აჭარიდან ჩამოდიოდა ორბელიანების სასახლეში, გავრცელებული ინფორმაციით, რაზეც ასევე პრეზიდენტმაც ისაუბრა, ცეკვის უფლება არ მისცეს და გზიდან მიაბრუნეს. აღნიშნულ ფაქტს სალომე ზურაბიშვილმა კულტურული ბოლშევიზმი უწოდა.
ავტორი
მარიამ ხაჩირაშვილი