ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია YouTube-ის საკუთარ პლატფორმაზე, გადაცემა ,,გახარიას კვირაში” პოზიციას აფიქსირებს იმასთან დაკავშირებით, თუ რა ადგილი ექნება საქართველოს გეოპოლიტიკურ სივრცეში, თუკი ქვეყანა ვერ გახდება ევროკავშირის სრულფასოვანი ნაწილი:
,,მე გვირგვინი არ ჩამომმვარდება. ხშირად მიწევს ასეთ რაღაცეებზე საუბარი, რომ ჩემთვის არ არსებობს არანაირი უფრო დიდი ფასეულობა, ვიდრე ჩემი ან ჩვენი თაობის ცხოვრების დიაპაზონში, ეს ქვეყანა [საქართველო] გახდეს ევროკავშირის სრულფასოვანი წევრი.
ეს არ არის ოცნება, არამედ ის, რისთვისაც საუკუნეები, ჩვენი წინაპრები იბრძოდნენ – სისხლს ღვრიდნენ.
თქვენ როგორ ფიქრობთ, მაგალითად, ეროვნული მოძრაობის გმირები, რომლებმაც 90-იან წლებში დაიწყე… ჩვენ თუ პოსტსაბჭოთა წარსულს თავს არ დავაღწევთ, და თავი რომ დააღწიო, საქართველოს მარტოს ამ რეგიონში ძალიან გაუჭირდება.
საქართველოს სჭირდება დიდი სისტემური სახელმწიფოების გაერთიანების ნაწილი გახდეს. ამის გარეშე ჩვენ ძალიან გაგვიჭირდება – ვერავინ გვიშველის! ეს იმას კი არ ნიშნავს, რომ საქართველო გაქრება, არაფერი იქნება – ჩვეულებრივი მაჩანჩალა…“, – განაცხადა გიორგი გახარიამ.
ავტორი
ნინი ხიჯაკაძე
