,,გამარჯვების კოალიციის” ერთ-ერთი ლიდერი, ,,ერთიანი ნაციონალური მოძრაობის” თავმჯდომარე, ლევან ხაბეიშვილი ჟურნალისტებთან კომენტარში ხელისუფლების მიმართ მწვავე შეფასებებს აკეთებს ქვეყნაში საწვავის ფასის ზრდის გამო:
,,ფაქტია წარმოდგენილი, რომ 2012 წლის შემდეგ, 12 წელიწადში, ივანიშვილმა, ფაქტობრივად, 20 ლიტრ საწვავში მოგვპარა 10 ლიტრი. 10 ლიტრ საწვავში 5 ლიტრი მოგვპარა. 20 ლიტრს თუ ჩაასხამდით 39 ლარად, ახლა მინიმუმ 62 ლარი უნდა იგივე საწვავს.
საქართველომდე 1 ლიტრი ბენზინი ღირს 1.65 ლარი – ფოთის და ბათუმის პორტს რომ მოადგება 1.65 ლარი ღირს, იქიდან რომ გამოვა – ივანიშვილი და მისი ხელისუფლება ერევა, რომ ჯიბეში ხელი ჩაუყოს ქართველ ხალხს, ძვირდება 3 ლარამდე, 3.20, 3.40 ლარამდე“, – განაცხადა ლევან ხაბეიშვილმა.
ავტორი
ნინი ხიჯაკაძე
