“ივანიშვილოს პარტიაში არ პასუხობენ კითხვას რატომ არის საქართველოში ცხოვრება გაუსაძლისი, რატომ გარბის ქვეყნიდან ასეულობით ათასი ადამიანი”, – ამის შესახებ “სტრატეგია აღმაშენებლის” თავმჯდომარე გიორგი ვაშაძე აცხადებს
ვაშაძის თქმით ქართველი ხალხის ასეთი აღვირახსნილი დაცინვა, კორუფცია, უიმედობა და ემიგრაცია 2024 წლის არჩევნებზე უნდა დამარცხდეს
“ივანიშვილის პარტია ფასებზე საუბარს გაურბის. ყველაფერზე საუბრობენ მაგრამ ფასებზე არა. არ პასუხობენ კითხვას რატომ არის საქართველოში ცხოვრება გაუსაძლისი, რატომ გარბის ქვეყნიდან ასეულობით ათასი ადამიანი.
ივანიშვილის პარტიაში იმდენად აღიზიანებთ გაზრდილ ფასებზე საუბარი, რომ ხალხს შეურაცხყოფას აყენებენ, იმ ხალხს აყენებენ შეურაცხყოფას, ვინც ბაზარში დადის, ბაზარში სიარულს დამაკნინებლად მოიხსენიებენ.
ხალხს დასცინიან, იმ ხალხს დასცინიან ვინც ბაზარში დადის, რომ იმ ფულით რაც აქვს, ცოტათი მეტი საკვები იყიდოს. ივანიშვილის პარტია ყველაფერზე საუბრობს მაგრამ არა უძვირეს კრედიტებზე და ბანკების არაადეკვატურად მაღალ მოგებაზე.
დღეს ივანიშვილის პარტია ამტკიცებდა, რომ ფასები, ეკონომიკა, ხალხის გაჭირვება პოლიტიკოსების გასარჩევი არ არის, მათ დაკარგეს ხალხთან შეხების წერტილი.
ქართველი ხალხის ასეთი აღვირახსნილი დაცინვა და კორუფცია, უიმედობა და ემიგრაცია უნდა დავამარცხოთ 2024 წლის არჩევნებზე. ცვლილებების დროა და ცვლილებები გარდაუვალია”, – აცხადებს ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
