“მან მსხვერპლშეწირვით თავის ღირსებააყრილ ქვეყანას ტალახი ჩამორეცხა და აჩვენა, რომ ამ ქვეყანაში კიდევ არსებობს თავგანწირვის, იდეალების ცნობიერება” – ლელა ჯეჯელავა ალექსეი ნავალნიზე

რუსეთის ციხეში გარდაცვლილი რუსი ოპოზიციონერი პოლიტიკოსის, დისიდენტის, ალექსეი ნავალნისთან დაკავშირებით გაჩენილ აზრთასხვადასხვაობას, კონკრეტული პოზიცია-შეფასებებით ეხმაურება “ეთნიკურ და კონფესიურ ურთიერთობათა ცენტრის” ხელმძღვანელი, ლელა ჯეჯელავა:

“ერს, რომელსაც ცოტნე დადიანის და ნოინის ამბავი აღაფრთოვანებს, მტრის ღირსების დანახვა უნდა შეეძლოს. მკვლელობის შემდეგ ნავალნის განხილვას ისევ მისი იმპერიალისტური განცხადებების კონტექსტში უბრალოდ არაეთიკურად მივიჩნევ.

ნავალნი რუსი იყო და შეეწირა თავის ქვეყანას. მან მსხვერპლშეწირვით თავის ღირსებააყრილ ქვეყანას ტალახი ჩამორეცხა და აჩვენა, რომ ამ ქვეყანაში კიდევ არსებობს თავგანწირვის, იდეალების ცნობიერება. ვინც მას ახლა აგინებთ, კითხვა მაქვს, რამდენს შეგიძლიათ ისე იცხოვროთ და მოკვდეთ, რომ სისტემას თქვენი გვამისაც ეშინოდეს?

ღირსეული მტრის დაფასება მხოლოდ იმაზე მეტყველებს, რომ ჩვენშიც ჯერ კიდევ არსებობს გმირის ცნობიერება. სულ ნუ გავქოცდებით!“, – წერს ფეისბუქის პირად გვერდზე ლელა ჯეჯელავა.