ტვ “პირველის” თოქ შოუ “რეაქციაში”, ეკა მიშველაძის რესპოდენტი ნიკა გვარამია იყო, რა დროსაც, პოლიტიკურ გეგმებისა თუ კონფიგურაციების განხილვასთან ერთად, დაისვა კონკრეტული შეკითხვა ყოფილ პრემიერ-მინისტრ, პარტია “საქართველოსთვის” თავმჯდომარესთან, გიორგი გვარამიასთან დაკავშირებით:
[ეკა მიშველაძის შკითხვა]: “გახარიას პარტიას “საქართველოსთვის” კოალიციაში თუ ხედავ სამომავლოდ?”
– “ვხედავ, თუ ის ოპოზიციური პარტიაა“, – აცხადებს გახარია და აგრძელებს:
“გახარიასთან დაკავშირებით, მე მგონი, ერთადერთი ადამიანი ვარ ოპოზიციური სპექტრიდან, ვინც ეს გაბედა და თქვა, ყოველ შეთხვევაში სხვა არ მახსენდება.
მე გავიმეორებ ჩემს ნათქვამს: “გახარიასთან დაკავშირებით, წარსულთან მიმართებით კითხვების დასმას, ამ ეტაპზე, არ ვაპირებ”.
ალბათ გახარიასაც აქვს ჩემთან დაკავშირებით წარსულზე შეკითხვები. მე მასაც და ყველა დანარჩენს ვთავაზობ – წარსულზე ვილაპარაკოთ უსაფრთხო მომავალში როცა ვიქნებით. დღეის მდგომარეობით, ჩვენ წარსულზე ლაპარაკით შეიძლება დავკარგოთ მომავალი და ჩავრჩეთ ამ ტალახიან აწმყოში.
მე გახარიასთან მაქვს ერთადერთი შეკითხვა და ის უკავშირდება მომავალს: რას აპირებს, იმ შემთხვევაში, თუ ის იქნება გადაწყვეტილების მიმღები, ძალიან დაბალია ამის ალბათობა, მაგრამ მაინც დავუშვათ, – ბიძინა ივანიშვილი იქნება ხელისუფლებაში თუ ოპოზიცია? ეს არის ჩემი შეკითხვა“, – აღნიშნავს ნიკა გვარამია.
ინფორმაციისთვის: ნიკა გვარამიამ გამოტვეთა პოლიტიკური პარტიები და კონკრეტული პირები, ვისთანაც იგი ითანამშრომლებდა წინასაარჩევნო კამპანიის ფარგლებში ერთი საარჩევნო სუბიექტის ფარგლებში და მათ მიიჩნევს მნიშვნელოვან აქტორებად – მელია, “დროა”, “გირჩი”, “ლელო”, ნინო ლომჯარია, ასევე, ცალკეული პოლიტიკოსები ეკა ხერხეულიძე, აკო მინაშვილი… “ჯამურად ჩვენ შეგვიძლია 25%-ს ზემოთ ვიყოთ“, – აცხადებს ნიკა გვარამია.
