დეკანოზი გიორგი მამალაძე, რომელიც ე.წ. ციანიდის საქმეზე იყო მსჯავრდებული, 7-წლიანი პატიმრობის შემდეგ გათავისუფლდა და ციხიდან გამოსვლის შემდეგ ჟურნალისტებთან ემოციური კომენტარი გააკეთა:
,,მე მადლობას ვწირავ ღმერთს თითოეული წამისთვის, ჩემ ცხოვრებაში. მადლობას ვუხდი ჩემს ოჯახს – თორნიკეს, რომელიც გაჭრილი იყო ველად; ყველა გულშემატკივარს, რომელიც ჩემთან ერთად ამტკიცებდა და დარწმუნებული იყო ჩემს უდანაშაულობაში; ყველა ჩემს უფლება დამცველს, რომლებიც დიდი არმიაა. მადლობა მეუფე პეტრეს, რომელიც ჩემს მსგავსად უდანაშაულოდ დაისაჯა. მადლობა არასამთავრობო ორგანიზაციებს – ადგილობრივსა და საერთაშორისოს; ამერიკის და ნიდერლანდების მთავრობებს, რომლებიც ჩემს უფლებებს იცავდნენ. მადლობა ყველა მიუკერძოებელ ჟურნალისტსა თუ მიკერძოებულს, არ აქვს მნიშვნელობა, რომელიც ჩემს მძიმე ტვირთს აშუქებდა.
ბრძოლა გრძელდება! საზოგადოების დიდმა ნაწილმა სიმართლე ისედაც იცის. მე ვწუხვარ, რომ მეუფე დიმიტრის არ აღმოაჩნდა ,,სული ჭეშმარიტი მწყემსისა”, რომელიც მას იმის უფლებას და საშუალებას მისცემდა, დღეს, აქ – ჩემთან ერთად მდგარიყო რკინის ქალამნებით. თუმცა, მიუხედავად ამისა, მე მაინც მიყვარს ის“, – განაცხადა გიორგი მამალაძემ.
ავტორი
ნინი ხიჯაკაძე
