“ინტერნეტში შემომხვდა ერთი განცხადება, რომელიც ძალიან კარგად ასახავს იმ სამწუხარო რეალობას, რაც საქართველოშია. “ყველაზე სამწუხარო ისაა, რომ საქართველოს ექსპორტში, პირველ რიგში, საკუთარი მოსახლეობა გააქვს”, – ეს სიტყვები ეკუთვნის ცნობილ ეკონომისტს, ერიკ რეინერტს,“ – ამის შესახებ „სტრატეგია აღმაშენებლის“ ლიდერმა, გიორგი ვაშაძემ პარლამენტში გამართულ ბრიფინგზე განაცხადა.
ვაშაძემ საუბრისას კიდევ ერთხელ აღნიშნა, რომ საქართველოს N1 გამოწვევას უმუშევრობა და უკიდურესი სიღარიბე წარმოადგენს, რასაც ხელისუფლება იგნორს უკეთებს.
მისივე თქმით, მომავალ არჩევნებზე ხალხმა უნდა გადაწყვიტოს სურს დასაქმებული საქართველო თუ უმუშევარი ქვეყანა:
“ინტერნეტში შემომხვდა ერთი განცხადება, რომელიც ძალიან კარგად ასახავს იმ სამწუხარო რეალობას, რაც საქართველოშია. “ყველაზე სამწუხარო ისაა, რომ საქართველოს ექსპორტში, პირველ რიგში, საკუთარი მოსახლეობა გააქვს”, – ეს სიტყვები ეკუთვნის ცნობილ ეკონომისტს, ერიკ რეინერტს.
ეს არის რეალობა, რაშიც საქართველო არის. მთელი კვირის მანძილზე ოპოზიციის საქმიანი და ხალხზე ორიენტირებული კითხვების შედეგად, ვფიქრობ, საზოგადოებამ დაინახა, თუ როგორი აცდენილია ივანიშვილის პარტია მთლიანად ქართველ ხალხს და ხალხის პრობლემებს.
N1 პრობლემა საქართველოში არის უმუშევრობა, კითხვა არაერთხელ დაისვა, თუ როგორ აპირებს ირაკლი კობახიძე სამუშაო ადგილების შექმნას, იგნორირება და მეტი არაფერი, ტრაბახი და ცინიზმი ოპონენტებთანა და ხალხთან მიმართებით. ეს არის ივანიშვილის პარტიის ხელწერა, რაც კიდევ უფრო მიუთითებს, თუ რამდენად მოწყვეტილები არიან ხალხს, ხალხის პრობლემებს,“ – განაცხადა ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
