“ხელისუფლებაში იციან, რომ ყველაზე დიდი საფრთხე მათთვის არის მიხეილ სააკაშვილი” – სოფო ჯაფარიძე

თბილისის საკრებულოს ფრაქცია ,,ერთიანი ნაციონალური მოძრაობის” თავმჯდომარის მოადგილე, მიხეილ სააკაშვილის პირადი წარმომადგენელი, სოფო ჯაფარიძე, სააგენტო ,,პარალელთან” ინტერვიუში განმარტებებს აკეთებს საქართველოს მე-3 პრეზიდენტის მხარდამჭერ მოძრაობასთან დაკავშირებით:

• როგორც ვიცით უკრაინის ხელისუფლებას მიმართვა გაეგზავნა, მიხეილ სააკაშვილის საქმეზე გამოძიების ჩატარების მხრივ. რა ეტაპზე არის მოლაპარაკებები და რა მოლოდინები გაქვთ?

,,ცხადია, [საქართველოს] ხელისუფლება ყველაფერს აკეთებს იმისათვის, რომ მიხეილ სააკაშვილთან მიმართებაში საზოგადოება გააჩუმოს, მაგრამ ამას ვერ მიაღწევენ. მათთვის ყველაზე დიდი პრობლემა არის მიხეილ სააკაშვილის ხმა და ყველაფერს აკეთებენ იმისათვის, რომ მან საზოგადოებას ხმა ვერ მიაწვდინოს.

იმიტომ, რომ იციან ყველაზე დიდი საფრთხე მათთვის არის მიხეილ სააკაშვილი. იციან, რომ მიხეილ სააკაშვილის ხმას უსმენს მთელი მსოფლიო და ძალიან დიდი მნიშვნელობა აქვს ჩვენი საზოგადოებისთვის მის პოზიციებს.

აქედან გამომდინარე, ყველაფერს გააკეთებენ, რომ ხელი შეგვიშალონ, მაგრამ კიდევ ერთხელ მინდა ვთქვა, რომ მიხეილ სააკაშვილი იყო და არის უკრაინის ძალიან მაღალი თანამდებობის პირი. აქედან გამომდინარე, აუცილებლად უნდა იყოს უკრაინული მხარე ჩართული.

• რა მოლოდინები გაქვთ? თუ გაქვთ ინფორმაცია, უკრაინის მხარეს რა შესაძლებლობები აქვს იმისთვის, რომ მიხეილ სააკაშვილი დაიხსნას პატიმრობიდან?

მე მჯერა, რომ უკრაინის მხრიდან არის ძალიან დიდი დაინტერესება. წუხილი და მოთხოვნაც უკვე მოვისმინეთ, რომ მიხეილ სააკაშვილი ყოფილიყო თავისუფალი. მე მჯერა, რომ დაინტერესდება და აუცილებლად შედეგს მიაღწევს’’, – განაცხადა სოფო ჯაფარიძემ.

ავტორები:
ალექსანდრე ლეჟავა
მარიამ ხაჩირაშვილი