საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე კომენტარს აკეთებს ,,ქართულ ოცნებაში’’ განხორციელებული საკადრო ცვლილებებთან დაკავშირებით:
,,არანაირი სიახლის მოლოდინი არ გვაქვს და სიახლე, რომც თქვან, მაინც არ გააკეთებენ. ,,ქართული ოცნების’’ ამოცანა არ არის ბევრი სამუშაო ადგილი ქვეყანაში, სიღარიბის დაძლევა. რატომ?! იმიტომ, რომ თუ სამუშაო ადგილები იქნება და სიღარიბე დაიძლევა, ბიუჯეტის ხარჯზე, 300 ლარად ვერ იყიდიან ადამიანებს. ეს არის მთავარი, ,,ქართული ოცნება’’ ახდენს მანიპულაციას და სიღარიბიდან გამომდინარე, იაფად ყიდულობს ხმებს.
[ჟურნალისტის შეკითხვა] კობახიძის გუნდს თქვენი მხარდაჭერა ექნება?
როგორ უნდა ჰქონდეს ,,ქართული ოცნების’’ გუნდს ოპოზიციის მხარდაჭერა?! ოპოზიცია, რომელიც ამას დაუჭერს მხარს, ოპოზიცია არ არის’’, – განაცხადა პაატა მანჯგალაძემ.
ავტორი
მარიამ ხაჩირაშვილი
