“ყველაფერი უკავშირდება იმას, რომ ჩვენ დამაჯერებლად მოვიდეთ და საკონსტიტუციო უმრავლესობაც არ გამოვრიცხოთ” – ირაკლი ზარქუა საკადრო ცვლილებებზე “ქართულ ოცნებაში”

საფინანსო საბიუჯეტო კომიტეტის თავმჯდომარის მოადგილე, ირაკლი ზარქუა ჟურნალისტებთან კომენტარს აკეთებს, ,,ქართულ ოცნებაში’’ განხორციელებულ საკადრო ცვლილებებთან დაკავშირებით და ირაკლი კობახიძის წარდგენაზე პრემიერ-მინისტრის პოსტზე, ასევე ირაკლი ღარიბაშვილის გადაწყვეტილებაზე დატოვოს მთავრობის მეთაურის თანამდებობა:

,,დასახელდება კანდიდატი ბატონი, ირაკლი კობახიძე, ეს უკვე არ არის დასამალი და მხარდაჭერა ექნება. ამის შემდეგ, იცით უკვე, რომ საგაზაფხულო სესია იხსნება და პირველივე კვირაში ჩვენ შევძლებთ, რომ დავამტკიცოთ.

[ირაკლი ღარიბაშვილმა] თვითონ გადაწყვიტა… ითქვა, რომ უფრო მეტიც, ზაფხულამდე უნდა ყოფილიყო პოსტზე, პოლიტსაბჭოზე მსჯელობის შედეგად, მაგრამ თვითონ მიიღო გადაწყვეტილება იმიტომ, რომ წინასაარჩევნოდ, როტაცია ნორმალურია, მისაღებია, როგორც აღმასრულებელ, ისე საარჩევნო კამპანიას სჭირდება კიდევ მეტი ძალისხმევა, ახალი ენერგია.

ყველაფერი უკავშირდება იმას, რომ ჩვენ დამაჯერებლად მოვიდეთ და საკონსტიტუციო უმრავლესობაც არ გამოვრიცხოთ’’, – განაცხადა ირაკლი ზარქუამ.

ავტორი
მარიამ ხაჩირაშვილი