პარლამენტის საფინანსო საბიუჯეტო კომიტეტის თავმჯდომარის მოადგილე, ირაკლი ზარქუა ჟურნალისტებთან კომენტარს აკეთებს, წერეთლის გამზირის სარეაბილიტაციო სამუშაოების დასრულების ფონზე ოპოზიციის მიმართ მწვავე ირონიულ მიმართვა-შეფასებებს აკეთებს:
,,მიუხედავად იმ მცდელობისა, რომ ზოგიერთი ,,ხელმოცარული ყვავი’’ დაჩხაოდა ამ პროექტს, მაინც შეძლეს და კიდევ ერთხელ მადლობა მინდა ვუთხრა მერიის თითოეულ თანამშრომელს, მინდა მადლობა ვუთხრა ბატონ კახი კალაძეს იმიტომ, რომ ის ყოველ საღამოს გამოდიოდა და თავზე ადგა, როგორც ჭავჭავაძეს, როგორც დანარჩენ გამზირებს და პროექტებს და ეს არის მისი ხელწერა. განსაკუთრებული მადლობა მინდა ვუთხრა იმ პასუხისმგებლიან კომპანიებს და თანამშრომლებს, ვინც მუშაობდნენ 24 საათი.
ბოლოს, მე მინდა ,,ნაცებს’’ მივმართო – გამოდით ბიჭო წერეთელზე მინდა დაგთვალოთ. აი თქვე ხელმოცარულებო, თქვენა. ეს კიდევ ერთი კარგი ლუსტრაცია იყო თბილისელებისთვის და მთელი საქართველოსთვის, როგორ არ უნდა გენდოთ, როგორ გიხარიათ, რომ სადმე თუ პროექტში რამე ხინჯი, აბა დროზე თუ არ შესრულდა, როგორ ხართ ჩასაფრებულები. ხელმოცარულები დარჩით აქაც’’, – განაცხადა ირაკლი ზარქუამ.
ავტორი
მარიამ ხაჩირაშვილი
