“ბიძინას წასვლა, მოსვლა და მთავრობის მიქცევა-მოქცევა, რომ რუსეთიდან იმართება და მათი ხელისუფლებაში არსებობის გარანტი რუსეთია, ეს არ არის მთავარი თემა დღეს?” – ბეჟან ჯავახია

საქართველოს რესპუბლიკის პირველი მოწვევის უზენაესი საბჭოს წევრი, ისტორიის მეცნიერებათა დოქტორი, ილიას სახელმწიფო უნივერსიტეტის ასოცირებული პროფესორი, ბეჟან ჯავახია Facebook-ის პირად გვერდზე შეფასებას აკეთებს, თუ რა შედეგის მომტანი იქნება არსებული მმართველობის ფორმა ქვეყანაში:

,,მთავარი აქცენტი რაზე გაკეთდა, არ ვიცი. ეს, ალბათ, რუსეთთან მოარიგეს, მაგრამ ის საზოგადოება, რომელმაც კობახიძე გავრილოვის გამო აიძულა დაეტოვებინა პარლამენტის თავმჯდომარის თანამდებობა, ახლა როგორ მოითმენს მის პირველ პირად არჩევას?

ბიძინას წასვლა, მოსვლა და მთავრობის მიქცევა-მოქცევა, რომ რუსეთიდან იმართება და მათი ხელისუფლებაში არსებობის გარანტი რუსეთია, ეს არ არის მთავარი თემა დღეს?

იქნებ და დროა, დადგეს საკითხი უფრო ფართოდ, რადგანაც კატასტროფული დემოგრაფიული მდგომარეობის და ასევე, მიგრაციის საკითხი. ის, რომ უკვე თითქმის გაქრა ნებისმიერი პოლიტიკური პარტიის დღისწესრიგიდან აფხაზეთის და ცხინვალის რეგიონის საკითხი, არ ნიშნავს, რომ ქვეყანა უბრუნდება 1990 წლის მდგომარეობას? და სწრაფი ეკონომიკური ინტეგრაცია მიდის რუსეთთან? ეს იყო ის საკითხები, რომელიც იდგა ეროვნული მოძრაობის წინაშე, რომ მოეპოვებინა დამოუკიდებლობა!!!

სულ დამსდევს იმის შიში, რომ თავისუფლებას ვკარგავთ, დანარჩენი კი ბიძინას და რუსეთის ტექსტებია?! ეს პრობლემა მიგვაჩნია უმთავრესად პირველი პარლამენტის წევრებს და გვაქვს სურვილი საზოგადოებაც იყოს ინფორმირებული. ეს ჩვენი მოვალეობაა.

აქ თქვენს გასაგონად დავიმოწმებ მერაბ კოსტავას სიტყვებს: „მოესწრებით იმ დროს, როცა საქართველო თავისუფალი გახდება! მაგრამ იცოდეთ, თუ მაშინაც, დამოუკიდებელ ქვეყანაში, თავისუფლებისთვის შეწყვეტთ ბრძოლას, ამ თავისუფლებას დაკარგავთ თქვენც და ქვეყანაც“, – წერს ბეჟან ჯავახია.

ავტორი
ნინი ხიჯაკაძე