“როცა საქართველოს მოქალაქე არჩევნებზე მივა, მან საკუთარ თავს კითხვა უნდა დაუსვას – ვის აძლევს ხმას? ვისაც შეუძლია სამუშაო ადგილების შექმნა თუ ვისაც არ შეუქმნია და არაფერი გაუკეთებია?” – გიორგი ვაშაძე

„მთავარი კითხვა, რომელსაც პასუხი უნდა გავცეთ – ივანიშვილი, თავისი გუნდით, შექმნის სამუშაო ადგილებს თუ ვერა?“, – ამის შესახებ „სტრატეგია აღმაშენებლის“ თავმჯდომარემ, გიორგი ვაშაძემ საქართველოში არსებულ მძიმე ეკონომიკურ ვითარებასთან დაკავშირებით განაცხადა.

ვაშაძის თქმით, 2024 წლის არჩევნებზე ქართველმა ხალხმა უნდა გადაწყვიტოს, თუ ვის მისცემს ხმას – მას, ვისაც სამუშაო ადგილების შექმნა შეუძლია თუ ივანიშვილის გუნდს, რომელიც ამერიკელ და ევროპელ ინვესტორებს ებრძვის:

„მთავარი კითხვა, რომელსაც პასუხი უნდა გავცეთ – ივანიშვილი, თავისი გუნდით, შექმნის სამუშაო ადგილებს თუ ვერა?

როცა საქართველოს მოქალაქე არჩევნებზე მივა, მან საკუთარ თავს კითხვა უნდა დაუსვას – ვის აძლევს ხმას, ვისაც შეუძლია სამუშაო ადგილების შექმნა თუ ვისაც არ შეუქმნია და არაფერი გაუკეთებია? ვის აძლევს ხმას, ვინც მტრობაში არის ამერიკელ და ევროპელ ინვესტორებთან და უნდა, რომ ქვეყნიდან გააქციოს, თუ იმ ადამიანებს მისცემს ხმას, ვისაც ფართო კონტაქტები აქვს.

საოცარი კონტაქტები გვაქვს და მინდა, რომ ჩემს გუნდთან ერთად ჩვენი ქვეყნისთვის დავიხარჯო. ჩვენ რეგიონშიც ძალიან კარგი მდებარეობა გვაქვს, თუ ხელი არ გავანძრიეთ, ვერ განვითარდებით“, – განაცხადა ვაშაძემ.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს