“ქართული ოცნების” მიზანი და ამოცანა არასდროს ყოფილა საქართველოს ევროკავშირში გაწევრიანება – ანა ნაცვლიშვილი

9 ევრორეკომენდაციის შესრულების მიზნით პარლამენტში შექმნილი სამუშაო ჯგუფის საქმიანობაში მონაწილეობაზე უარი განაცხადა პარტიამ ,,ლელო საქართველოსთვის’’. აღნიშნულ გადაწყვეტილებასთან დაკავშირებით ჟურნალისტებთან კონკრეტულ განმარტებებს აკეთებს პარტიის პოლიტსაბჭოს თავმჯდომარის მოადგილე, პარლამენტის დეპუტატი ანა ნაცვლიშვილი:

,,ქართულმა ოცნებამ” 18 თვე დახარჯა არა ევროპული რეფორმების გატარებაში, არამედ ევროპის საწინააღმდეგო დეზინფორმაციულ კამპანიაში. მათი მიზანი და ამოცანა არასდროს ყოფილა საქართველოს ევროკავშირში გაწევრიანება.

ამიტომ, ახლა არ არის ნახევარზომების, იმიტირებული პროცესების და კომისიების, კომისიების და იმის კომისიების დრო. ახლა არის სწრაფი გადამწყვეტი ნაბიჯების დრო, რომ საქართველო სწრაფად წავიდეს წინ’’, – განაცხადა ანა ნაცვლიშვილმა.

ავტორი
მარიამ ხაჩირაშვილი