“სამწუხაროა, რომ პრეზიდენტს არ ეძლევა შესაძლებლობა სათანადოდ უმასპინძლოს მეგობარი ქვეყნების ლიდერებს” – სალომე ზურაბიშვილი

საქართველოში სამუშაო ვიზიტით სომხეთის რესპუბლიკის პრემიერ-მინისტრი, ნიკოლ ფაშინიანი იმყოფებოდა და მმართველი პარტიის ლიდერებთან შეხვედრა გამართა. აღნიშნულ ვიზიტთან დაკავშირებით, როგორც გავრცელებული განცხადებით  ხდება ცნობილი, პრეზიდენტ სალომე ზურაბიშვილს ინფორმაცია არ ჰქონია, რის გამოც, შესაბამისად, თავისი უკმაყოფილებაც დააფიქსირა:

,,საქართველოს პრეზიდენტი მიესალმება ქვეყანაში სომხეთის რესპუბლიკის პრემიერ-მინისტრის ვიზიტს, თუმცა სამწუხაროა, რომ პრეზიდენტს არ ეძლევა შესაძლებლობა შეხვდეს და სათანადოდ უმასპინძლოს მეგობარი ქვეყნების ლიდერებს საქართველოში ვიზიტის ფარგლებში.

ასევე, სამწუხარო და აღსანიშნავია ისიც, რომ შესაბამისი უწყებების მხრიდან არ ხდება პრეზიდენტის ინფორმირება ქვეყანაში დაგეგმილი მაღალი რანგის ვიზიტების, შეხვედრებისა თუ ღონისძიებების შესახებ“, – წერს სალომე ზურაბიშვილი.

ავტორი
ნინი ხიჯაკაძე