საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე კომენტარს აკეთებს ქართული დისპორის მიერ პრემიერ-მინისტრ ირაკლი ღარიბაშვილის რუსეთში მიწვევასთან დაკავშირებით:
,,ეს განცხადება არ არის შემთხვევითი და არ უნდა ჩავთვალოთ თითქოს დიასპორის წარმომადგენელმა გააკეთა, ეს შეთანხმებული იქნება რუსეთში, კრემლთან და ნიშნავს, რომ ,,ქართულ ოცნებას’’ ეუბნებიან რუსები, რომ სიტყვით, რასაც ლაპარაკობთ და რასაც შორ დისტანციაზე გვიმტკიცებთ ერთგულებას, ახლა გადავიდეთ ამ ერთგულების საქმით დამტკიცების ეტაპზე.
ეს არის მეტი არაფერი.
თუ აფხაზეთს გვიბრუნებენ, პრობლემა არ არის ჩვენც ჩავალთ მოსკოვში, მაგრამ აქ ხო რაზეა ლაპარაკი, – რომ საქართველომ უარი თქვას თავის ისტორიულ არჩევანზე’’, – განაცხადა პაატა მანჯგალაძემ.
ინფორმაციისთვის: საქართველოს პრემიერ-მინისტრმა ირაკლი ღარიბაშვილმა, რუსეთში ქართული დიასპორის ხელმძღვანელის, დავით ცეცხლაძისგან მიწვევა მიიღო, რომ საქართველოს მთავრობის მეთაური შეხვდეს რუსეთში მცხოვრებ ქართულ დიასპორას.
ავტორი
მარიამ ხაჩირაშვილი
