მიხეილ სააკაშვილი ეხმაურება ჰუმანიტარული პროექტის ფარგლებში, სოფო ჯაფარიძისა და ექიმების ჯგუფის მიერ განხორციელებულ საქმიანობას:
“ჩემ მიერ ინიცირებული ჰუმანიტარული პროექტის ფარგლებში, სოფო ჯაფარიძე, ექიმების დიდ ჯგუფთან ერთად, ენგურის ხიდის მიმდებარე სოფელ რუხში ჩავიდა, სადაც უფასო სამედიცინო მომსახურება ძალიან ბევრმა ადამიანმა მიიღო. რაც ყველაზე მეტად მიხარია, ჩვენი ინიციატივით ოკუპაციის ხაზს მიღმა მცხოვრებმა უამრავმა ჩვენმა თანამემამულემაც ისარგებლა.
დღეს აფხაზეთი დგას ჰუმანიტარული კატასტროფის წინაშე და რაც ყველაზე მნიშვნელოვანი არის განსაკუთრებულად დიდი საფრთხის წინაშე დგანან ორსულები, ბავშვები და მოხუცები. ამ ადამიანებს ჩვენი თანადგომა და მხარდაჭერა სჭირდებათ!
კიდევ ერთხელ, დიდ მადლობას ვუხდი სოფოს და იმ პროფესიონალ ექიმებს, რომლებიც ასე უანგაროდ და უდიდესი ენთუზიაზმით დგანან ჩვენი თანამემამულეების ინტერესების სადარაჯოზე“, – აღნიშნავს მიხეილ სააკაშვილი.
