პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას” თავმჯდომარე თინათინ ბოკუჩავა კომენტარს აკეთებს მმართველი პარტიის დამოკიდებულებაზე საქართველოს პრეზიდენტ სალომე ზურაბიშვილთან მიმართებაში, მის მიერ პარლამენტში წლიური ანგარიშის წარდგენასთან დაკავშირებით:
,,ჩვენ გვახსოვს, მაგალითად, ,,ოცნებისთვის” სრულიად სამარცხვინოდ, როგორ არ აუშვეს პრეზიდენტი სცენაზე მაშინ, როდესაც ქართველი ხალხის დიდი ძალისხმევის შედეგად ჩვენმა ქვეყანამ კანდიდატის სტატუსი მიიღო.
ვერაფერს გამოვრიცხავ, რაოდენ კომიკურად შესაძლებელი არ უნდა გვეჩვენებოდეს ასეთი მანევრები და ნაბიჯები ,,ოცნების” მხრიდან. მათგან ნებისმიერი რამ არის მოსალოდნელი“, – განაცხადა თინათინ ბოკუჩავამ.
ინფორმაციისთვის: საქართველოს პრეზიდენტის ყოველწლიური მოხსენება პარლამენტში შეიძლება არ შედგეს. მმართველი პარტია მიზანშეწონილად არ მიიჩნევს პრეზიდენტისთვის საპარლამენტო ტრიბუნის დათმობას.
ავტორი
ნინი ხიჯაკაძე
