რაჭაში, შოვში მომხდარი სტიქიური უბედურებიდან 5 თვე გავიდა. ხელისუფლების რეაგირებასთან დაკავშირებით ერთ-ერთი დაზარალებული, გიო ადამია მწვავე შეფასებებს აკეთებს Facebook-ის პირად გვერდზე გამოქვეყნებულ კრიტიკულ პოსტში:
,,ხუთი თვე გავიდა შოვის ტრაგედიიდან, არც მე და არც სხვა ჩემთან ერთად გადარჩენილს დღემდე არ მიგვიღია დაზარალებულის სტატუსი. პროკურატურა ექსპერტიზის დასკვნას ელოდებოდა, რომელმაც დაადგინა, რომ მსუბუქად დავზიანდით და სიცოცხლისთვის საშიში დაზიანება არ მიგვიღია.
ჩვენ, ადამიანები, რომლებიც 4 საათი მეწყერში ვხოხავდით, ყოველი წამი საშიში იყო ჩვენი და ჩვენი ბავშვების სიცოცხლისათვის. ავტომობილები, რომლებშიც ვისხედით, წამებში მეწყერმა გაგვტაცა და გაანადგურა, დღეები ფეხზე ვერ ვდგებოდით.
5 თვის თავზე ისევ გვესიზმრება კოშმარები, თუ როგორ გავურბივართ მეწყერს, მე და თომას რაჭის გაგონებაზე უსიამოვნო განცდა გვეუფლება, მთის დანახვაზე შიშის გრძნობა გვიპყრობს.
საქართველოს მთავრობამ, სრული ამ სიტყვის მნიშვნელობით, ფეხზე დაგვიკიდა, ჩემს ოჯახს მათგან არანაირი ყურადღება, თანადგომა არ მიგვიღია ამ ხუთი თვის მანძილზე.
შობა-ახალწელს გილოცავთ ყველას! მადლობა ღმერთს ჩვენი გადარჩენისთვის და იმ რაჭველ ბიჭებს, ვინც გამოგვიყვანა იმ საშინელებიდან.
კიდევ ერთხელ ვუთანაგრძნობ გარდაცვლილების ოჯახებს“, – წერს გიო ადამია.
ავტორი
ნინი ხიჯაკაძე
