საფინანსო საბიუჯეტო კომიტეტის თავმჯდომარის მოადგილე, ირაკლი ზარქუა ჟურნალისტებთან კომენტარს აკეთებს საქართველოს მესამე პრეზიდენტის, მიხეილ სააკაშვილის ინიციატივასთან დაკავშირებით – “პოლიტიკური აქტიურობის და ერთიანობის კომიტეტის” შექმნის თაობაზე:
,,ჯიგარი ჯანზეა და რავიცი, მადლობა ,,ვივამედს’’, ეტყობა გამოაჯანმრთელეს უკვე, რომ პოლიტიკაზე ფიქრობს. კი არ კვდება, როგორც ასაღებდნენ მთელი ამ პერიოდის განმავლობაში, არამედ უკვე სტრატეგიას და სუპერპაკს უმუშავებს ხელმოცარულებს.
კიდევ ერთხელ, მე მივესალმები, მოვუწოდებ, რომ ყურად იღონ მათი ბელადის დაკვეთა, გაერთიანდნენ ეს ლუზერები და ხელმოცარულები ერთად და ქართველ ამომრჩეველს უფრო გაუმარტდება არჩევნის გაკეთება, ხელმოცარულებსა და ,,ქართულ ოცნებას’’ შორის.
ძალიან მარტივი არჩევანი იქნება და მემგონია, რომ ეს უპირველეს ყოვლისა ქართველი ამომრჩევლის ინტერესშია, რომ 2 ბანაკად დაიყოს: სადაც იქნება ,,ქართული ოცნება’’ და იქეთ ეს გაერთიანება ,,სუპერპაკი’’.
შევარდნაძე ტრიალებს საფლავში, ეს რა სირცხვილია! შეიძლება ყველაფერზე?!… სუპერპაკს მივაწვეთ ისევ, არ არის ეს თქვენი თემა ბატონო მიხეილ, ევროკავშირისა და ნატოს მიმართულებით სვლა დაიწყო ჯერ კიდევ შევარდნაძისგან და კიდევ უფრო ადრიდან, მანამდე კიდევ მთელი ჩვენი წინაპრები სწორედ ევროპულ ოჯახზე საუბრობდნენ და მისთვის იბრძოდნენ’’, – განაცხადა ირაკლი ზარქუამ.
ავტორი
მარიამ ხაჩირაშვილი
