“არ უერთდება არცერთ გადაწყვეტილებას, არცერთ რეზოლუციას, რომელიც პირდაპირად თუ ირიბად, რუსეთის წინააღმდეგ არის მიმართული” – სერგო ჩიხლაძე “ქართულ ოცნებაზე”

,,გამარჯვების კოალიციის“ ერთ-ერთი ლიდერი, ,,სტრატეგია აღმაშენებლის“ პოლიტიკური საბჭოს წევრი, სერგო ჩიხლაძე ჟურნალისტებთან კომენტარს აკეთებს რუსეთის მიმართ ,,ქართული ოცნების” პოლიტიკასთან დაკავშირებით:

,,ის არ უერთდება არცერთ გადაწყვეტილებას, არცერთ რეზოლუციას, რომელიც, პირდაპირად თუ ირიბად, რუსეთის წინააღმდეგ არის მიმართული.

რა არის გასაკვირი, როდესაც ოჩამჩირის ბაზის დაგმობის ფაქტსაც კი არ მიუერთდა ,,ქართული ოცნება’’ და დაიმალა! რა არის გასაკვირი, როდესაც ,,ქართული ოცნება”, ევროკავშირსა და რეზოლუციებში, რუსეთის, როგორც ტერორისტი სახელმწიფოს დაგმობას არ შეუერთდა?! ანალოგიურად, ის არ შეუერთდა მაგნიტსკის სიას’’, – განაცხადა სერგო ჩიხლაძემ.

ინფორმაციისათვის: საქართველო არ შეუერთდა “მაგნიტსკის სიის” 2026 წლის 8 დეკემბრამდე გახანგრძლივების შესახებ ევროკავშირის გადაწყვეტილებას. აღსანიშნავია, რომ ამ გადაწყვეტილებას შეუერთდნენ ევროკავშირის წევრობის კანდიდატი ქვეყნები – ჩრდილოეთ მაკედონია, მონტენეგრო, ალბანეთი, უკრაინა, მოლდოვა და ბოსნია და ჰერცეგოვინა.

ავტორი
მარიამ ხაჩირაშვილი