ა.წ. 15 დეკემბერს ორგანიზაცია ,,გრეისონიმა“ საქართველოს პარლამენტს საკანონმდებლო წინადადებით მიმართა, რომლითაც ითხოვს ,,მიუსაფარი ცხოველისების მჩუქებლებისთვის, მიმკედლებლებისთვის და კერძო თავშესაფრებისთვის შეღავათების დაწესებას“:
,,ქვეყანაში გვყავს მოქალაქეები, რომლებიც ცხოველების უსაზღვრო სიყვარულის გამო ნებაყოფლობით ხდებიან მიუსაფარი და ტრამვირებული ცხოველების მიმკედლებლები/შემფარებლები და დროთა განმავლობაში, თავისდაუნებურად ხდებიან მცირე მოცულობის თავშესაფრის მესაკუთრეები. მათ არ აქვთ არანაირი შემოსავალი და შეღავათები. სისტემატიურად უწევთ პირადი ხარჯებით, ხშირ შემთხვევაში საკუთარი ლუკმის და წამლის გაყოფა მიუსაფარი ცხოველებისთვის და ფაქტიურად, ეს ადამიანები გვევლინებიან თანამედროვე საქართველოს იმ გმირებად, რომლებმაც გარკვეულწილად იკისრეს სახელმწიფოს გასაკეთებელი საქმე და საკუთარი ჯანმრთელობისა და პირადი ხარჯის ფონზე დაუღალავად შრომობენ ოთხფეხა მეგობრების სიცოცხლის გადასარჩენად.
სამწუხაროდ, ამ დრომდე მიუსაფარი ცხოველების მშვილებლების, მიმკედლებლების და თავშესაფრებისათვის არანაირი სახის შეღავათები არ არსებობს სახელმწიფოს მხრიდან. მმართველი თუ ადგილობრივი ხელისუფლებიდან არ ხდება ამ ადამიანების იდენტიფიცირება და მინიმუმ ჯილდოების და საპატიო მოქალაქის წოდებების მინიჭება.
არ არსებობს შეღავათები იმ მოქალაქეების მიმართაც კი, რომლებსაც ნებაყოფლობით აჰყავთ მოსავლელად ადამიანების სისასტიკეს ან ავტოსაგზაო შემთხვევებს გადარჩენილი და დასახიჩრებული ის ცხოველები, რომლებიც სპეციფიკურ მზრუნველობას საჭიროებენ.
სწორედ ამიტომ მნიშვნელოვანია, რომ სახელმწიფოს მხრიდან არსებობდეს გარკვეული სახის ფინანსური შეღავათები, ევროპული ქვეყნების მსგავსად შეიქმნას ცხოველების სახელმწიფო დაზღვევის სისტემა, დადგინდეს ზღვრული ფასები საქართველოს ტერიტორიაზე მოქმედ ვეტერინარულ მომსახურებაზე, ხოლო ტრამვირებულ, დასახიჩრებულ ცხოველებზე საგამონაკლისო სახით აიკრძალოს ალიკაპის და საბელის გამოყენება, რადგან მათთან მიმართებაში ეს დაუშვებელია“, – განაცხადა ორგანიზაცია ,,გრეისონმა“.
