“თუკი ჩეხეთის პრეზიდენტი ამბობს იმას, რომ მხარდაჭერაზე იყო ლაპარაკი, ეს ჩეხეთის პრეზიდენტის სწორი დიპლომატიური და პოლიტიკური ხედვიდან გამომდინარეობს და არა სალომე ზურაბიშვილის დამოკიდებულებიდან” – გიორგი ვოლსკი

პარლამენტის პირველი ვიცე-სპიკერი, გიორგი ვოლსკი ჟურნალისტებთან მწვავე კომენტარს აკეთებს პრეზიდენტ სალომე ზურაბიშვილის ჩეხეთში ვიზიტთან დაკავშირებით:

,,თუკი ჩეხეთის პრეზიდენტი ამბობს იმას, რომ მხარდაჭერაზე იყო ლაპარაკი, ეს ჩეხეთის პრეზიდენტის სწორი დიპლომატიური და პოლიტიკური ხედვიდან გამომდინარეობს და არა სალომე ზურაბიშვილის დამოკიდებულებიდან, რომელიც გაჟღერებული იყო 26 მაისის პარადზე – სრულიად შემარცხვენელი, არაობიექტური, დამაზიანებელი და უზნეო, როდესაც მან მიმართა ახალგაზრდებს, ახალწვეულებს, რომლებიც ფიცის დასადებად იყვნენ მოსულები.

მისი განცხადებები ცნობილია – ვერავინ ვერ იტყვის იმას, რომ პოზიცია შეიცვალა“, – განაცხადა გიორგი ვოლსკიმ.

ავტორი
ნინი ხიჯაკაძე