,,საქართველოს ლეიბორიტული პარტიის” ლიდერი, შალვა ნათელაშვილი პარტიის ოფისში გამართულ ბრიფინგზე მწვავე განცხადებას აკეთებს ,,ლეიბორისტული პარტიის” ქონების დაყადაღების თაობაზე:
,,გამარჯობა ძვირფასო მეგობრებო.
ოლიგარქის განკარგულებით სასამართლო ორგანოებმა მიიღეს გადაწყვეტილება ჩვენი უძრავ-მოძრავი ქონების დაყადაღებაზე.
მოგეხსენებათ, საერთაშორისო ასპარეზზე ივანიშვილის დასანქცირების პროცესს საძირკველი ჩაუყარა “ლეიბორისტულმა პარტიამ” და ამის გამო ამ ათწლეულებში გადავიტანეთ არჩევნების უპრეცედენტო გაყალბება, არნახული რეპრესიები, დაფინანსების ჩამორთმევა, საარჩევნო კომისიების წართმევა, უფასო სარეკლამო დროის ართმევა, საპარლამენტო სტატუსის ჩამორთმევა, მაგრამ არ გაჭრა არაფერმა, ჩვენ ვაგრძელებთ ბრძოლას და ახლა უკანასკნელ იმედად ოლიგარქს ესახება დაყადაღება ჩვენი იმ ქონების, მათ შორის, იმ ოფისის, სადაც ჩვენ ახლა ვიმყოფებით და სადაც ქვეყნის ისტორია იწერებოდა და იწერება.
მიზეზი არის – თურმე, 100 ლარი არ გადაგვიხდია საბაჟო, ღარიბაშვილის კლანის წარმომადგენელი ვინმე მილიონერ ბენიაიძის საჩივარზე, რომელმაც თამაზაშვილთან ერთად ხელში ჩაიგდო მთელი ქიზიყის საძოვრები, ფერმები, ხალხი დაიმონა და საარჩევნო პერიოდებში ეწევა მოსახლეობის ტერორს და სწორედ მის გამო პარტორგანიზაცია ვერ დავაფუძნეთ რაიონში.
ყველა აცხადებს, რომ “იმ კაცის გვეშინია” ანუ ახალი მხედიონი, მილიონერი ყაჩაღი, რომელსაც აჩივლებინა ღარიბაშვილის ჯგუფმა და უნდათ, რომ ამგვარად გაგვისწორონ ანგარიში და არაფერი არ გამოვა.
ისტორია, ივანიშვილის თამადობით, ყველა ყაჩაღ ოლიგარქს და მინიგარქს ერთად მიგამარხავთ. ჩვენ ამ ბრძოლას გავაგრძელებთ! ხალხი ჩვენ გამოგვყვება,” – განაცხადა შალვა ნათელაშვილმა.
ავტორი
მარიამ ხაჩირაშვილი
