საქართველოს რესპუბლიკის პირველი მოწვევის უზენაესი საბჭოს წევრი, ისტორიის მეცნიერებათა დოქტორი, ილიას სახელმწიფო უნივერსიტეტის ასოცირებული პროფესორი ბეჟან ჯავახია სოციალურ ქსელში ეხმაურება ,,ლეიბორისტული პარტიის” თავმჯდომარის, შალვა ნათელაშვილის მიერ, ტვ ,,პირველის” ეთერში, ანა ახალაიას ,,დღის ამბებში”, გაკეთებულ განცხადებას:
,,არ ვიცი ქართულად როგორაა, მაგრამ ვისაც საბჭოეთში უცხოვრია მიხვდება: შალიკო ნათელაშვილი არის “ვოზდუხი”, თან ცუდი…“, – წერს ბეჟან ჯავახია ფეისბუქის პირად გვერდზე.
ბეჟან ჯავახიას აღნიშნულ სტატუსზე, შალვა ნათელაშვილის განცხადებასთან დაკავშირებით, მწვავე კომენტარი დაწერა, ასევე, საქართველოს რესპუბლიკის პირველი მოწვევის უზენაესი საბჭოს წევრმა, საარჩევნო ბლოკის ,,მრგვალი მაგიდა – თავისუფალი საქართველოს” წევრმა, რევაზ კემულარიამ:
,,წუხელ ვუსმინე – ზვიადი და შევარდნაძე რომ გადამდგარიყვნენ, სამოქალაქო ომი არ იქნებოდაო. მგონი ძალიან აერია შალვას რამსები.
როცა პოლიტიკოსობაზე აქვს კაცს პრეტენზია, გაუნათლებელი პიჟონივით არ უნდა საუბრობდეს.
არ ასვენებს კომუნისტური პარტიის ბილეთის წითელი ყდა ლენინის თავით“, – წერს რევაზ კემულარია.
ავტორი
ნინი ხიჯაკაძე
