“საქართველოს ბანკმა” Youtube-ის საკუთარ არხზე გამოაქვეყნა ინტერვიუ წარმატებულ ქართველ ფეხბურთელთან, საფეხბურთო კლუბ ,,ნაპოლის” წევრთან ხვიჩა კვარაცხელიასთან, სადაც იგი პასუხებს გასცემს მის მიმართ ხშირად დასმულ შეკითხვებს. შეკითხვა ასევე შეეხებოდა ცნობილ არგენტინელ ფეხბურთელ, ლიონელ მესისაც – “მესისთან შეხვედრა როგორი იყო?“, კერძოდ, თუ რა მოხდა ოქროს ბურთის დაჯილდოების ცერემონიალზე:
“მესისთან შეხვედრას იყო ისტორია, შეიძლება არ დამიჯერო რა და ამის შემდეგ, მესი ჩემთვის რადიკალურად შეიცვალა. რა თქმა უნდა, როგორც ფეხბურთელი, ძნელია იპოვო ასეთი ფეხბურთელი, მთლიან ფეხბურთის ისტორიაში.
რომ ვიჯექით, პაუზა იყო, რეკლამის დროს, დერეფანი იყო, სადაც მესი ჩემგან მარჯვნივ იჯდა. უცებ ფეხზე ადგა, მე ვერ ვფიქრობდი, თუ რატომ დგება, რადგანაც ჩვენ თავიდანვე გვითხრეს, რომ ვმჯდარიყავით და არ გვემოძრავა ბევრი… იგი ჩემსკენ წამოვიდა, მე ასე ვყურები, ვერ ვხვდები რაშია საქმე და უცებ ხელი რომ გამომიწოდა ძალიან დავიბენი, წამოვდექი, ხელი ჩამოვართვი, შემდეგ ის დაბრუნდა უკან თავის ადგილზე.
ასეთი ადამიანი, ამხელა ფეხბურთელი რომ დგება გამარჯობის სათქმელად, არ ვიცი… მაგარი პიროვნებაა და ძალიან ვაფასებ“, – აღნიშნა ხვიჩა კვარაცხელიამ.
ავტორი
ნინი ხიჯაკაძე
