რუსი სამხედროების მიერ მოკლული, თამაზ გინტურის ძმა, გივი (ნიკოლოზ) გინტური გამოკითხვაზე დაიბარეს. დაზარალებულმა ჟურნალისტებთან ემოციური კომენტარი გააკეთა და მოითხოვს, რომ დამნაშავეების გასამართლება საქართველოს ხელისუფლების მიერ მოხდეს:
,,დაზარალებულის სტატუსი ჩემს ძმას, თამაზ გინტურს უკვე მისცეს. გამომძიებელთან მივდივარ. ჯერ არ ვიცი გამომძიებელი რას მეტყვის, რა იციან, მაგრამ მე რაც ვიცი, მკვლელმა – დევიდოვმა, გვარი და სახელი შეიცვალა.
ოჯახი ვითხოვთ დასჯას, სასტიკად დასჯას, [დამნაშავეების] გადმოცემას და ჩვენმა მთავრობამ გაასამართლოს.
ხელისუფლება რას იძახის და რას არ იძახის, მე რა ვიცი და არ მაინტერესებს. ვიცი, ჩემ ძმას ჩასაფრება მოუწყვეს, დაცხრილეს და მოვითხოვ ჩემი ძმის მკვლელების დასჯას“, – განაცხადა გივი (ნიკოლოზ) გინტურმა.
ავტორი
ნინი ხიჯაკაძე
