საფინანსო საბიუჯეტო კომიტეტის თავმჯდომარის მოადგილე, ირაკლი ზარქუა ჟურნალსიტებთან პოლიტიკურ შეფასებას აკეთებს პარტია ,,ლელოს” თავმჯდომარის, მამუკა ხაზარაძის განცხადებასთან დაკავშირებით, რაც უშუალოდ ბიძინა ივანიშვილს დაუკავშირეს:
,,ადამიანი, რომელიც სასამართლომ ცნო თაღლითად, ჩვენ ვერიდებოდით ამ თემას, ამის თქმას, თან ბიზნესიდან მოდის, ვის სანქცირებაზე საუბრობს?!
გავიხსენოთ, როგორ თანამშრომლობდა მწვალებელთა რეჟიმთან?!
,,ხანდაზმული თაღლითები” – ვეძახოთ ახლა? თუ იტყვის, რომ ,,არ ვარო თაღლითი”, მაშინ ჯარიმა რატომ გადაიხადა?! თუ დანაშაული არ ჰქონდა ჩადენილი, თანხა რატომ გადაიხადა ბიუჯეტში ჯარიმის სახით?! ე.ი. აღიარა“, – განაცხადა ირაკლი ზარქუამ.
ინფორმაციისთვის: ,,ლელო საქართველოსთვის” დამფუძნებელმა და თავმჯდომარემ, მამუკა ხაზარაძემ ,,ამერიკის ხმასთან” ინტერვიუში, ბიძინა ივანიშვილის გარემოცვის დასანქცირების საკითხთან დაკავშირებით განაცხადა: ,,ნამდვილად არ მინდა ვინმე ვისურვო დასანქცირებული, მაგრამ როცა ლაპარაკია ჩვენი ქვეყნის ეროვნულ ინტერესზე, იქ ყველა მეთოდი მისასალმებელია” და ასევე მინიშნება ჰქონდა ივანიშვილზეც:
,,რაც შეეხება კონკრეტულ გვარებს, ჩვენ არ გვქონია განხილვა, მაგრამ, ზოგადად, წინადადებებს შორის ორივე მხარე მივხვდით, რაზე და ვისზეა საუბარი. ეს ყველაფერი, საბოლოო ჯამში, მიდის ბიძინა ივანიშვილის გარემოცვასთან, რადგან მსხვილი ბიზნესი, რომელიც მსგავს რამეს აკეთებს, მისი ნებართვის გარეშე ვერაფერს გააკეთებს“, – აღნიშნა მამუკა ხაზარაძემ.
ავტორი
ნინი ხიჯაკაძე
