გასულ წელს რუსეთიდან საქართველოში განხორციელებული ფულადი გზავნილების საკმაოდ გაზრდილი მაჩვენებლები საგრძნობლად შემცირდა, რასაც ირონიანარევი პოზიცია-შეფასებებით და კონკრეტული მინიშნებადი შეკითხვით ეხმაურება ტელეკომპანია “კავკასიას” გენერალური დირექტორი, ნინო ჯანგირაშვილი:
“ღარიბაშვილის ქილა ერბოს და რუსულ/ქოცური “ეკონომიკური სასწაულის“ ამბავი სრულდება.
საქართველოში რუსული ფულადი გზავნილების რაოდენობა სტაბილურად მცირდება, აშშ–დან და ევროკავშირიდან იზრდება.
ის ცალკეა გასარკვევი, შარშან რომ 2 მილიარდი გადმოირიცხა რუსეთიდან, რისთვის გადმოირიცხა“, – წერს ფეისბუქის პირად გვერდზე ნინო ჯანგირაშვილი.
ინფორმაციისთვის: საქართველოს ეროვნულმა ბანკმა 2023 წლის სექტემბრის ფულადი გზავნილების სტატისტიკა გამოაქვეყნა სადაც აღნიშნულია, რომ რუსეთიდან მცირდება ფულადი გზავნილები, ხოლო აშშ–დან და ევროკავშირიდან – იზრდება.