გუშინ, რუსმა ოკუპანტებმა გორის მუნიციპალიტეტის სოფელ კირბალთან საქართველოს მოქალაქე, თამაზ გინტური მოკლეს და საქართველოს ერთი მოქალაქე გაიტაცეს. თემასთან დაკავშირებით მწვავე განცხადებას აკეთებს საქართველოს პარლამენტის ფრაქცია ,,ერთიანი ნაციონალური მოძრაობის” თავმჯდომარე, თინათინ ბოკუჩავა:
,,გუშინდელმა შემზარავმა მკვლელობამ, კიდევ ერთხელ გვიჩვენა, რომ სრულიად ყალბია ,,რუსული ოცნების” ნარატივი თავიდან ბოლომდე. მათ შორის, როდესაც ის გვესაუბრება მშვიდობაზე. განა ეს არის მშვიდობა, როდესაც ჩვენს მოქალაქეს, რომელიც მამის საფლავზე მიდის სალოცავად, ზურგში ესვრიან რუსული საოკუპაციო ძალები და კლავენ?!
ერთადერთი გზა, რეალური მშვიდობის მიღწევის და იმის, რომ ჩვენი მოქალაქეები ყველგან, საქართველოს ტერიტორიაზე იყვნენ დაცული, არის საქართველოს გაწევრიანება NATO-სა და ევროკავშირში. ამისთვის უნდა ვიბრძოლოთ და ვიმუშაოთ თითოეულმა ჩვენგანმა.
სამწუხაროდ, დღევანდელი ხელისუფლების პირობებში, მათ აქვთ არჩეული კოლაბორაციონისტური, შემრიგებლური პოლიტიკა მტერთან. ეს რას იძლევა, ამას გვიჩვენებს, მათ შორის, ისეთი უმძიმესი ფაქტები, როგორიც გუშინ ვიხილეთ“, – განაცხადა თინათინ ბოკუჩავამ.
ავტორი
მარიამ ხაჩირაშვილი
