“12 პუნქტი არსად წასულა, ნებისმიერ შემთხვევაში შესასრულებელია!” – სერგო ჩიხლაძე

,,სტრატეგია აღმაშენებლის“ პოლიტიკური საბჭოს წევრი, სერგო ჩიხლაძე ,,მთავარი არხის“ ჟურნალისტთან კომენტარს აკეთებს იმ წინაპირობებზე, რა შემთხვევაში შეიძლება საქართველომ ევროკავშირის კანდიდატი ქვეყნის სტატუსი მიიღოს:

,,ჩვენ, ყველაზე უკეთეს შემთხვევაში, სტატუსს მივიღებთ. შემდეგი ნაბიჯი უკვე იქნება მოლაპარაკებების დაწყება, ანუ პრაქტიკული პროცესი. ოღონდ, აქაც, რა თქმა უნდა, დიდი ალბათობით, ჩვენი ინფორმაციით, ნებისმიერ შემთხვევაში რა პასუხიც არ უნდა იყოს 14-15 დეკემბერს, აქ იქნება დამატებითი პირობები, ასე ვთქვათ, – შესასრულებელი.

იმიტომ, რომ ეს 12 პუნქტი არსად წასულა, ნებისმიერ შემთხვევაში შესასრულებელია! ამის შესრულების გარეშე, სტატუსის შემთხვევაშიც კი – შემდეგ ნაბიჯებს გაგრძელება არ ექნება“, – განაცხადა სერგო ჩიხლაძემ.

ავტორი
ნინი ხიჯაკაძე