პარლამენტის ფრაქცია ,,ქართული ოცნების” თავმჯდომარის მოადგილე, რიმა ბერაძე ჟურნალისტებთან კომენტარს აკეთებს ოპოზიციის მოთხოვნასთან დაკავშირებით, რომ საგარეო კომიტეტის თავმჯდომარე ირაკლი ბერაიამ თანამდებობა დატოვოს:
,,რა თქმა უნდა, მოსაწონი არ იყო, არცერთი მხრიდან არ არის ეს მოსაწონი – არც ოპოზიციის, არც პოზიციის.
თვითონ ჩვენი ლიდერი, ბატონი მამუკა მდინარაძე გამოვიდა და თქვა, რომ ,,ეს ფრაზეოლოგია იყო ჩვენი მიუღებელი“. შემდეგ, თვითონ გამოვიდა ბატონი ირაკლი და მანაც მოიხადა ბოდიში.
მე ვფიქრობ, რომ კოლეგიალურები უნდა ვიყოთ ერთმანეთის მიმართ.
ყველამ უნდა ვცეთ ერთმანეთს პატივი, პირველ ყოვლისა, პატივი უნდა ვცეთ იმ ინსტიტუტს, რა ინსტიტუტშიც ჩვენ ვიმყოფებით“, – განაცხადა რიმა ბერაძემ
ინფორმაციისთვის: ოპოზიცია, საგარეო კომიტეტის თავმჯდომარის, ირაკლი ბერაიას გადადგომას ითხოვს, მისი შეურაცმყოფელი, დისკრიმინაციული და სექსისტური განცხადების გამო.
ავტორი
მარიამ ხაჩირაშვილი
