პარლამენტის განათლებისა და მეცნიერების კომიტეტის თავმჯდომარე, გივი მიქანაძე ჟურნალისტებთან კომენტარს აკეთებს პრეზიდენტის იმპიჩმენტის პროცესზე. უმრავლესობის წევრის განცხადებით, მომავალში, სალომე ზურაბიშვილის მხრიდან, შესაძლოა ადგილი ჰქონდეს კონსტიტუციის განმეორებით დარღვევას, რაც სისხლისსამართლებრივ პასუხისმგებლობაში გადაიზარდოს:
,,განმეორებითი ხასიათის კონსტიტუციის დარღვევასთან შესაძლოა გვექნას ადგილი. ამას არ გამოვრიცხავთ იმიტომ, რომ ადამიანმა, რომელმაც ძალიან კარგად იცოდა, თვითონაც არაერთ ღია განცხადებაში აღიარა.
ამაზე ჩვენ გუშინაც ხაზი გავუსვით – მან თვითონვე აღიარა, რომ ის არალეგიტიმურად მოქმედებდა კონკრეტულ სიტუაციებში. არ არის გამორიცხული, რომ ასეთი ქცევა გააგრძელოს.
არ არის გამორიცხული, რომ იქ სისხლის სამართლებრივი დანაშაულის რაღაც საფუძვლებიც არსებობდეს, მაგრამ ეს შესაბამისი კომპეტენტური ორგანოების შესასწავლი საკითხია“, – განაცხადა გივი მიქანაძე.
ავტორი
ნინი ხიჯაკაძე
