“რასაც თავიდან ვითხოვდით, რასაც ვითხოვთ დღეს, – გააკეთე ამ რუკის შესაბამისობის ანალიზი და მორჩა, გათავდა!” – ივერი მელაშვილი “კარტოგრაფების საქმის” პროცესთან დაკავშირებით

საქართველო-აზერბაიჯანის საზღვრის დელიმიტაციისა და დემარკაციის კომისიის ყოფილმა წევრმა, ივერი მელაშვილმა ჟურნალისტებთან კომენტარი გააკეთა ე.წ. “კარტოგრაფების საქმეზე”:

,,აქ ორი რამ არის – რუკა რომ შეადარო ერთი მეორეს, შეუსაბამობას რომ აღმოაჩენ, უნდა გაიაზრო საიდან არის შეუსაბამობა, საიდან გამომდინარეობს?

ასე ამის გაკეთება – ხელაღებით, ეს არის სისულელე, რაც დაემართათ მათ და რაც დღევანდელ დღემდე მიმდინარეობს ესაა აბსურდული თემა.

ელემენტარულად, რასაც თავიდან ვითხოვდით, რასაც ვითხოვთ დღეს, – გააკეთე ამ რუკის შესაბამისობის ანალიზი და მორჩა, გათავდა!

[ჟურნალისტის შეკითხვა] თქვენ ამბობთ, რომ ეს ანალიზი გაკეთებული გაქვთ. თქვენ მიერ გაკეთებული და ჩატარებული ანალიზი და დასკვნა, რატომ არ წარუდგინეთ კრიზისების მართვის საბჭოს?

წარვუდგინეთ და ვუთხარით კიდევაც კრიზისების მართვის საბჭოს და დღევანდლამდეც ვამბობ, რომ ეს რუკა არ არის გამოსადეგი სადელიმიტაციო სამუშაოებისთვის.

[ჟურნალისტის შეკითხვა] ეს ვისი დასკვნაა?

ჩემი დასკვნაა“, – განაცხადა ივერი მელაშვილმა.

ავტორი
ნინი ხიჯაკაძე