პარლამენტის ფრაქცია ,,ქართული ოცნების’’ თავმჯდომარის მოადგილე, ირაკლი ჩიქოვანი ჟურნალისტებთან კომენტარს აკეთებს საქართველოს პრეზიდენტის, სალომე ზურაბიშვილის იმპიჩმენტის პროცედურის საკითხთან დაკავშირებით:
,,მოლოდინი გვაქვს ზუსტად იგივე, როდესაც დავიწყეთ ეს პროცესი. იმიტომ, რომ იმდენად ცხადია და სახეზეა კონსტიტუციის დარღვევა. ეს არის სამართლებრივი შეფასება, ამ შემთხვევაში, ჩვენ არ ვსაუბრობთ პოლიტიკურ შეფასებაზე.
სამართლებრივი შეფასება უნდა იყოს ძალიან მარტივი – ჩვენ სახეზე გვაქვს კონსტიტუციის დარღვევა. ეს არის ჩვენი მოლოდინი.
რა თქმა უნდა, შემდგომ პროცესი პარლამენტში გადაინაცვლებს. დღესდღეისობით, ჩვენ არ გვაქვს მოლოდინი, რომ მოგროვდება 100 ხმა, მაგრამ რეალურად ეს იქნება აუცილებელი იმისათვის, რომ ჩვენს ქვეყანაში ყველამ, მათ შორის, პრეზიდენტებმაც, პარლამენტის წევრებმაც, ნებისმიერმა მოქალაქემ იცოდეს, რომ ამ ქვეყანაში უზრნველყოფილია კანონის უზენაესობა და კონსტიტუცია ყველამ უნდა დაიცვას“, – განაცხადა ირაკლი ჩიქოვანმა.
ავტორი
მარიამ ხაჩირაშვილი
