“Joint Expeditionary Force” ქვეყნების ლიდერებისადმი დისტანციური მიმართვისას, უკრაინის პრეზიდენტმა, ვოლოდიმირ ზელენსკიმ რეგიონის უსაფრთხოების საკითხებზე გაამახვილა ყურადღება და ახალი რეალობის გათვალისწინებით საქართველოს ტერიტორიული მთლიანობის აღდგენის პერსპექტივაზეც ისაუბრა:
“ჩვენ, ყველას უნდა გვახსოვდეს, რომ შავი ზღვის რეგიონში საერთო უსაფრთხოება და ეკონომიკის, ინფრასტრუქტურის განვითარება – მთელი ევროპის გეოპოლიტიკური სტაბილურობის ერთ-ერთი გასაღებია.
ასევე, ცვლილებების გამო, უსაფრთხოების სფეროში ახალი პერსპექტივები გაჩნდება შავი ზღვის რეგიონის სამეზობლოში, სამხრეთ კავკასიაში. ეს შემატებს პოტენციალს ჩვენს საერთო უსაფრთხოებას აქ, ევროპის ჩვენს ნაწილში. განსაკუთრებით იმ დროს, როცა რუსული აგრესიისგან ჩვენი თავდაცვისუნარიანობის წყალობით საქართველოსთვის ახალი პერსპექტივები გაიხსნება, აღადგინოს თავისი ტერიტორიული მთლიანობა“, – განაცხადა ვოლოდიმირ ზელენსკიმ.
