მმართველი პარტიის ინიციატივით რეგლამენტში მორიგი ცვლილებები იგეგმება, რომელიც პრეზიდენტის იმპიჩმენტის პროცედურას შეეხება და ხმის მიცემა ღია კენჭისყრის პრინციპით ჩატარდება. თემასთან დაკავშირებით ჟურნალისტებთან კომენტარი გააკეთა პარლამენტის პირველმა ვიცე-სპიკერმა, გიორგი ვოლსკიმ:
,,სპეკულაცია იმის თაობაზე, რომ ვიღაცამ შეიძლება ,,ქართული ოცნების” ხათრით თუ მოსყიდულმა ადამიანმა იმპიჩმენტს მხარი დაუჭიროს. აქედან გამომდინარე, მთელი ოპოზიცია ამდენი ხნის განმავლობაში მოთქვამდა, რომ არ უნდა შესულიყვნენ სხდომათა დარბაზში.
პრაქტიკულად, პარლამენტარიზმის მიმართ ეს არ არის დაპირისპირება, პარლამენტარიზმის საერთოდ იდეის მიმართ – ეს არის გარკვეული რყევა, რომელიც საკმაოდ აშკარა იყო.
და რასაკვირველია, თუ ვინმეს უნდა უხაროდეს ის, რომ ღია კენჭისყრაა, ეს ,,ნაცმოძრაობა” უნდა იყოს“, – განაცხადა გიორგი ვოლსკიმ.
ავტორი
ნინი ხიჯაკაძე
