“ჩვენ გატკეპნილ გზაზე კი არ მივდივართ, არამედ უნდა დავადგინოთ ისეთი წესი, ინტერპრეტაცია იმ ნორმებისა, რომ შემდგომში ეს იყოს პრეცედენტი სხვა გადაწყვეტილებებისთვისაც” – მერაბ ტურავა

საკონსტიტუციო სასამართლოში პრეზიდენტ სალომე ზურაბიშვილის იმპიჩმენტის საქმის განხილვა მე-3 დღეა მიმდინარეობს. თემასთან დაკავშირებით კომენტარი გააკეთა საქართველოს საკონსტიტუციო სასამართლოს თავმჯდომარემ, მერაბ ტურავამ:

,,საქართველოს საკონსტიტუციო სასამართლოს კონსტიტუციური წარდგინება, იმპიჩმენტის საკითხთან დაკავშირებით, არასდროს განუხილავს. აქედან გამომდინარე, რა თქმა უნდა, ჩვენ გატკეპნილ გზაზე კი არ მივდივართ, არამედ უნდა დავადგინოთ ისეთი წესი, ისეთი ინტერპრეტაცია იმ ნორმებისა, რომ შემდგომში ეს იყოს პრეცედენტი სხვა გადაწყვეტილებებისთვისაც.

პრეცენდენტული მნიშვნელობის გადაწყვეტილების მიღება, რა თქმა უნდა, ფიქრს, დისკუსიას, აზრთა გაცვლა-გამოცვლას მოითხოვს.

ჩვენც გვაქვს ჩვენი აზრები ამ წარდგინებასთან დაკავშირებით, მაგრამ ჩვენ არ ვართ ბოლომდე ჩამოყალიბებული და ჯერ არ გვაქვს ერთმანეთისთვის აზრები გაზიარებული.

აქედან გამომდინარე, მე ვფიქრობ, რომ ყოველგვარი წინასწარი აზრის გამოთქმა და ვერდიქტის გამოტანა იქნება და არის სამართლებრივად არასწორი“, – განაცხადა მერაბ ტურავამ.

ავტორი
ნინი ხიჯაკაძე