საკონსტიტუციო სასამართლოში პრეზიდენტ სალომე ზურაბიშვილის სასამართლო პროცესი მიმდინარეობს. იმპიჩმენტის პროცესთან დაკავშირებით მწვავე პოზიციას აფიქსირებს საპარლამენტო პოლიტიკური ჯგუფის ,,ევროოპტიმისტების” წევრი, რომან გოცირიძე:
,,იმპიჩმენტი ირაკლი ღარიბაშვილს უნდა გამოეცხადოს, ვინაიდან კონსტიტუცია დაარღვია, მან აუკრძალა სალომე ზურაბიშვილს საკუთარი კონსტიტუციური უფლებების შესრულება.
მოსამართლე, რომელიც სალომე ზურაბიშვილის იმპიჩმენტს დაადასტურებს, ქვეყნის წინაშე ღალატს მოაწერს ხელს.
ჩვენ ვიცით, რომ ეს მოსამართლეები პარტიულად არიან ,,ქართულ ოცნებასთან” დაკავშირებულები. მათ შორის, ერთ-ერთი ჩემთან ერთად ამ პარლამენტში ვიცე-სპიკერის, ასე ვთქვათ, სავარძელზე იჯდა. გახსოვთ, ალბათ, ,,იქნებ დედა შეაგინა“, – ეს გამონათქვამი.
გვახსოვს, ვინ როგორ ინიშნებოდა, მაგრამ მათ უნდა ახსოვდეთ, რომ განუსაზღვრელი ვადით არიან დანიშნულები, ვერავინ გაათავისუფლებს მათ და თავად უნდა გათავისუფლდნენ ივანიშვილის და ,,ქართულ ოცნების” გავლენისგან, თორემ ხელს არავინ ჩამოართმევს. ისიც გაიხსენონ, შეერთებულმა შტატებმა როგორ დაუწესა სანქცია მათ კოლეგებს“, – განაცხადა რომან გოცირიძემ.
ავტორი
ნინი ხიჯაკაძე
