“მივმართავ ღარიბაშვილს, ამ ერთხელ მაინც დაუშვით გამონაკლისი და საპენსიო სესხის ძირი თანხა ყველა პენსიონერს გადავუხადოთ” – გიორგი ვაშაძე

დღეს, ,,გამარჯვების პლატფორმის” ლიდერებმა პენსიონერთა ფორუმი გამართეს. თემასთან დაკავშირებით, სიტყვის გამოსვლის დროს მმართველ პარტიას და პირადად პრემიერ-მინისტრ ირაკლი ღარიბაშვილს კონკრეტული შეთავაზებით მიმართა “სტრატეგია აღმაშენებლის” თავმჯდომარემ, გიორგი ვაშაძემ:

,,მივმართავ ღარიბაშვილს, – ამ ერთხელ მაინც დაუშვით გამონაკლისი და საპენსიო სესხის ძირი თანხა ყველა პენსიონერს გადავუხადოთ. მომდევნო კვირაში პარლამენტში ბიუჯეტი გამოდის. ოპოზიცია ბიუჯეტს არასდროს არ უჭერს მხარს იმიტომ, რომ ბევრ რამეში არ ვეთანხმებით.

შევქმნათ პირველი პრეცედენტი, რომ ამ პარლამენტმა – არაფერი რომ არ გაუკეთებია ხალხისთვის, ერთხელ მაინც, ეს კეთილი საქმე გააკეთოს, ერთხელ მაინც… და მზად ვართ მხარი დავუჭიროთ’’, – განაცხადა გიორგი ვაშაძემ.

ავტორი
მარიამ ხაჩირაშვილი