საპარლამენტო პოლიტიკური ჯგუფის ,,ლელო-პარტნიორობა საქართველოსთვის’’ წევრი ანა ნაცვლიშვილი ჟურნალისტებთან კომენტარს აკეთებს, რუსეთის საგარეო საქმეთა მინისტრის სერგეი ლავროვის განმარტებაზე, როცა ის აღნიშნავს, რომ რუსეთისა და საქართველოს მთავრობებს შორის მიმდინარეობდა მოლაპარაკებები ფრენების აღდგენასთან დაკავშირებით:
,,ჩვენ ვსვამდით კითხვებს – როდის, ვისთან, რა ფორმატში მოხდა მოლაპარაკება პირდაპირი ფრენების აღდგენასთან დაკავშირებით?! სახელმწიფო უწყებები ამას უარყოფენ.
ახლა საინტერესო არის, მას შემდეგ, რაც ლავროვი ამას საუბრობს, რა პოზიცია ექნება საქართველოს ხელისუფლებას. ამის მიღმაც, ლავროვი არ არის ჩემთვის ავტორიტეტი, მაგრამ ლავროვს, რომ არ დავუჯეროთ, წინ გვაქვს ფაქტი. ფაქტი იმისა, რომ საქართველოს ხელისუფლება ოკუპანტ სახელმწიფოსთან, მაშინ როდესაც ამ ოკუპანტი სახელმწიფოს საერთაშორისო იზოლაცია არის ერთ-ერთი მთავარი ამოცანა ცივილიზებული სამყაროსი, აღადგინა პირდაპირი ფრენები’’, – განაცხადა ანა ნაცვლიშვილმა
ინფორმაციისთვის რუსეთის საგარეო საქმეთა მინისტრმა, სერგეი ლავროვმა განცხადება გააკეთა:
,,როდესაც დავინახეთ, რომ თბილისის ამჟამინდელი ხელისუფლება დაინტერესებულია ურთიერთობის ნორმალიზებით, თუნდაც უბრალოდ ადამიანების ინტერესებით, რომლებსაც სურთ ერთმანეთთან ურთიერთობა, ერთმანეთთან სტუმრობა, ბიზნესის კეთება, ჩვენ შევთანხმდით ბატონ ღარიბაშვილის მთავრობასთან ფრენების განახლებაზე და სავიზო რეჟიმის გაუქმებაზე, ვინაიდან რუსეთის მოქალაქეებისთვის უვიზო რეჟიმი უკვე საკმაოდ დიდი ხანია არსებობდა, მაგრამ ახლა, ორმხრივობის საფუძველზე, საქართველოს მოქალაქეებისთვის უვიზო რეჟიმის შემოღება და საჰაერო კომუნიკაციების დამყარება, რა თქმა უნდა, ჩვენს ურთიერთობას ბევრად კომფორტულს ხდის. იზდება ფრენების რაოდენობა, ფართოვდება პირდაპირი ფრენების გეოგრაფიაც, იზრდება სავაჭრო ბრუნვა. აქ დიდი პოპულარობით სარგებლობს ბევრი ქართული ტრადიციული საექსპორტო პროდუქტი: ღვინო, ბორჯომი და მრავალი სხვა’’, – განაცხადა სერგეი ლავროვმა.
ავტორი
მარიამ ხაჩირაშვილი
