“ქართული ოცნების” მიერ ორგანიზებულ ღონისძიებაზე რაიონებიდან ხალხის ჩამოყვანას ეხმიანება “ახალი საქართველოს” თავმჯდომარე. გიორგი ვაშაძის აზრით ქართული ოცნება“ ჩამოშლილია, რასაც თავადაც აცნობიერებენ და ამის გადასაფარად რეგიონებიდან აპირებენ 20-30 ათასამდე საბიუჯეტო დაფინანსებაზე მყოფი პირის იძულებით ჩამოყვანას:
“მინდა გამოვეხმაურო 14 დეკემბერს ქართული ოცნების მიერ დაგეგმილ “მასშტაბურ შეკრებას”.
ბოლო პერიოდში განვითარებულმა მოვლენებმა ცხადყო, რომ „ქართული ოცნება“ ჩამოშლილია და მას არ გააჩნია საზოგადოების უმრავლესობის მხარდაჭერა რასაც თავადაც აცნობიერებენ და სწორედ ამის გადასაფარად რეგიონებიდან აპირებენ 20-30 ათასამდე საბიუჯეტო დაფინანსებაზე მყოფი პირის იძულებით ჩამოყვანას.
პოლიტიკური განაჩენია როდესაც ხელისუფლება მსგავს მეთოდს იყენებს და არ აქვს იმის რესურსი, იძულების გარეშე შეკრიბოს მხარდამჭერები.
ჩვენ ძალიან მალე შევცვლით მოძალადე, კორუმპირებულ მთავრობას.
ყველაფერს შევძლებთ! რადგან ბოლო სიტყვას ყოველთვის სიკეთე და სიმართლე ამბობს.
ძალა ერთობაშია!” – წერს ფეისბუკის საკუთარ გვერდზე გიორგი ვაშაძე.
