ხუთშაბათი, ივნისი 20, 2024

ახალციხის მუნიციპალიტეტის ქალაქ ვალეს მეორე შახტის დასახლება დახმარებას ითხოვს

შექმნილი მძიმე საყოფაცხოვრებო პირობების გამო, საკითხის გასაშუქებლად სააგენტო ,,პარალელს” მომართა ახალციხის მუნიციპალიტეტის ქალაქ ვალეს მეორე შახტის მაცხოვრებელმა, ზაზა მერაბიშვილმა.

აღსანიშნავია, რომ გასულ თვეში მათი პრობლემების გასაცნობად ადგილზე იმყოფებოდა საქართველოს სახალხო დამცველი, ლევან იოსელიანი და ომბუდსმენის აპარატის მიერ გავრცელებულ განცხადებაში აღინიშნა, რომ “ვერანაირ კრიტიკას ვერ უძლებს ამ ადამიანთა საცხოვრებელი პირობები. მათ სახლებში არ აქვთ წყალი, არ აქვთ სველი წერტილები, არ აქვთ ბუნებრივი აირი. ამას ემატება ისიც, რომ შენობები, რომლებშიც ისინი ცხოვრობენ ნგრევის პირას არის და ოჯახები, მცირეწლოვანი ბავშვებითა და ხანდაზმულებით, ჯანმრთელობისა და სიცოცხლის ხელყოფის მუდმივი საფრთხის წინაშე დგანან. დასახლებას არ აქვს გზა და შესაბამისად, არც საზოგადოებრივი ტრანსპორტით არის უზრუნველყოფილი. ეს ადამიანები სრულიად მიტოვებული და გარიყულნი არიან”.

ქალაქ ვალეს მეორე შახტის დასახლებაში არსებული შენობები ავარიულ მდგომარეობაშია, რაც აუცილებელ და გადაუდებელ რესტავრაცია/რეკონსტრუქციას საჭიროებს. ასევე, როგორც მაცხოვრებელი აღნიშნავს, სასიცოცხლოდ აუცილებელი რესურსები, როგორიცაა გზა, წყალგაყვანილობა, გაზი, საზოგადოებრივი ტრანსპორტი და ა.შ. აღნიშნული დასახლებისთვის არ არის ხელმისაწვდომი.

25 აგვისტოს სახალხო დამცველმა, ლევან იოსელიანმა განცხადებაში აღნიშნა, რომ ,,ამგვარი სავალალო მდგომარეობა სწრაფ რეაგირებასა და პრობლემების დროულად გადაწყვეტას მოითხოვს”.

ერთ-ერთი ავარიული სახლის ფოტოები

ავტორი
ნინი ხიჯაკაძე

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული